25.21C Vancouver 25.21C VancouverJan 24, 2023 1:58 AM - The Canadian Press
ਕੈਲੀਫੋਰਨੀਆ 'ਚ ਵਾਪਰੀ ਮਾਸ-ਸ਼ੂਟਿੰਗ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 11 ਤੱਕ ਪਹੁੰਚ ਗਈ ਹੈ।
ਪਹਿਲਾਂ ਇਸ ਘਟਨਾ 'ਚ 10 ਲੋਕਾਂ ਦੇ ਮਾਰੇ ਜਾਣ ਦੀ ਖਬਰ ਸੀ ਪਰ ਹੁਣ ਦੱਸਿਆ ਗਿਆ ਹੈ ਕਿ ਇੱਕ ਹੋਰ ਵਿਅਕਤੀ ਦੀ ਜਾਨ ਚਲੀ ਗਈ ਹੈ।
ਘਟਨਾ ਇਸ ਵੀਕਐਂਡ ਦੌਰਾਨ ਕੈਲੀਫੋਰਨੀਆ 'ਚ ਮੌਂਟੇਰੀ ਪਾਰਕ ਕੋਲ ਸਥਿਤ ਇੱਕ ਡਾਂਸ ਸਟੂਡੀਓ 'ਚ ਵਾਪਰੀ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਪਿੱਛੇ ਦੇ ਇਰਾਦੇ ਦਾ ਪਤਾ ਲਗਾਉਣ ਲਈ ਕੀਤੀ ਜਾ ਰਹੀ ਜਾਂਚ ਦੌਰਾਨ ਇੱਕ ਮੋਬਾਈਲ ਹੋਮ ਕਮਿਊਨਿਟੀ ਕੋਲ ਪਹੁੰਚ ਕੀਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ 'ਚ 72 ਸਾਲਾ ਸ਼ੱਕੀ ਹਮਲਾਵਰ ਦੇ ਪਿਛੋਕੜ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਉਸ ਦੇ ਡਾਂਸ ਸਟੂਡੀਓ ਨਾਲ ਰਿਸ਼ਤੇ ਸੰਬੰਧੀ ਵੀ ਜਾਂਚ ਕੀਤੀ ਜਾ ਰਹੀ ਹੈ।
ਸ਼ੱਕੀ ਹਮਲਾਵਰ ਦੀ ਪਛਾਣ ਹੂ ਕਾਨ ਟ੍ਰਾਨ ਵਜੋਂ ਹੋਈ ਹੈ।
ਇਸ ਵਿਅਕਤੀ ਨੂੰ ਇੱਕ ਚਿੱਟੇ ਰੰਗ ਦੀ ਵੈਨ 'ਚ ਮ੍ਰਿਤ ਪਾਇਆ ਗਿਆ ਸੀ।
ਪੁਲਿਸ ਮੁਤਾਬਿਕ ਵਿਅਕਤੀ ਦੀ ਮੌਤ ਖੁਦ ਨੂੰ ਗੋਲੀ ਮਾਰਨ ਕਾਰਨ ਹੋਈ ਮੰਨੀ ਜਾ ਰਹੀ ਹੈ।
ਇਸ ਵਿਅਕਤੀ ਦੇ ਘਰੇਲੂ ਸ਼ਹਿਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਉਸ ਨੇ ਆਖਿਆ ਸੀ ਕਿ ਉਹ 10 ਤੋਂ 20 ਸਾਲ ਪਹਿਲਾਂ ਲੌਸ ਐਂਜਲਿਸ ਵਿੱਚ ਠੱਗੀ ਅਤੇ ਚੋਰੀ ਦਾ ਸ਼ਿਕਾਰ ਹੋਇਆ ਸੀ ਅਤੇ ਇਸ ਦੇ ਜ਼ਿੰਮੇਵਾਰ ਪਰਿਵਾਰਿਕ ਮੈਂਬਰ ਸਨ।
ਹਾਲਾਂਕਿ ਇਸੇ ਵਿਚਾਲੇ ਪੁਲਿਸ ਨੇ ਦੱਸਿਆ ਹੈ ਕਿ ਹਮਲਾਵਰ ਨੇ ਡਾਂਸ ਸਟੂਡੀਓ 'ਚ ਕੁੱਲ 42 ਰਾਊਂਡ ਫੇਯਰ ਕੀਤੇ ਸਨ।
ਜਾਣਕਾਰੀ ਦਿੱਤੀ ਗਈ ਕਿ ਉਸ ਦੇ ਘਰ ਦੀ ਤਲਾਸ਼ੀ ਦੌਰਾਨ ਇੱਕ ਰਾਈਫਲ, ਸੈਂਕੜੇ ਕਾਰਤੂਸ ਅਤੇ ਗੰਨ ਸਾਈਲੈਂਸਰ ਬਣਾਉਣ ਦੇ ਸਬੂਤ ਮਿਲੇ ਹਨ।
