ਡੈਨੀਅਲ ਸਮਿਥ ਅਤੇ ਮੇਅਰ ਜੋਤੀ ਗੋਂਡੇਕ ਨੇ ਕੈਲਗਰੀ ਸਟੈਂਪੀਡ ਦੇ ਫਸਟ ਫਲਿੱਪ ਵਿੱਚ ਲਿਆ ਹਿੱਸਾ

ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਕੈਲਗਰੀ ਦੇ ਮੇਅਰ ਜੋਤੀ ਗੋਂਡੇਕ ਨੇ ਵੀਰਵਾਰ ਸਵੇਰੇ 2025 ਕੈਲਗਰੀ ਸਟੈਂਪੀਡ ਦੇ ਫਸਟ ਫਲਿੱਪ ਵਿੱਚ ਹਿੱਸਾ ਲਿਆ। ਗੋਂਡੇਕ ਅਤੇ ਸਮਿਥ ਨੇ ਗਰਿੱਲ ਚਲਾਉਣ ਅਤੇ ਕੈਲਗਰੀ ਵਾਸੀਆਂ ਤੇ ਸੈਲਾਨੀਆਂ ਨੂੰ ਪੈਨਕੇਕ ਪਰੋਸਣ ਲਈ ਐਪਰਨ ਅਤੇ ਕਾਉਬੌਏ ਟੋਪੀਆਂ ਪਾਈਆਂ।

ਗੋਂਡੇਕ ਨੇ ਇਸ ਮੌਕੇ ਕਿਹਾ ਕਿ ਸਟੈਂਪੀਡ ਦੀ ਲਗਾਤਾਰ ਵੱਧਦੀ ਸਫਲਤਾ ਸ਼ਹਿਰ ਵਿੱਚ ਨਿਰੰਤਰ ਨਿਵੇਸ਼ ਦਾ ਨਤੀਜਾ ਹੈ। ਪ੍ਰੀਮੀਅਰ ਸਮਿਥ ਨੇ ਕੈਲਗਰੀ ਸਟੈਂਪੀਡ ਨੂੰ ਆਪਣਾ ਇਤਿਹਾਸ ਦੱਸਦੇ ਹੋਏ ਕਿਹਾ ਕਿ ਇਹ ਸਾਡਾ ਸਭਿਆਚਾਰ ਹੈ, ਇਹ ਸਾਡਾ ਅਤੀਤ ਹੈ, ਇਹ ਸਾਡਾ ਵਰਤਮਾਨ ਹੈ ਤੇ ਇਹ ਸਾਡਾ ਭਵਿੱਖ ਹੈ।

ਉਨ੍ਹਾਂ ਨੇ ਪਿਛਲੇ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਸਟੈਂਪੀਡ ਵਿੱਚ ਲੋਕਾਂ ਦੀ ਹਾਜ਼ਰੀ ਨੂੰ ਰਿਕਾਰਡ ਪੱਧਰ ਤੱਕ ਦਰਜ ਕਰਨ ਦੀ ਉਮੀਦ ਜਤਾਈ। ਗੌਰਤਲਬ ਹੈ ਕਿ ਇਸ ਸਾਲ ਸਟੈਂਪੀਡ ਵਿੱਚ 1.3 ਮਿਲੀਅਨ ਤੋਂ ਵੱਧ ਲੋਕਾਂ ਦੇ ਹਿੱਸਾ ਲੈਣ ਦੀ ਉਮੀਦ ਹੈ, ਜਿਸ ਨਾਲ ਅਰਥਵਿਵਸਥਾ ਨੂੰ ਇੱਕ ਵੱਡਾ ਹੁਲਾਰਾ ਮਿਲਣ ਦੀ ਵੀ ਸੰਭਾਵਨਾ ਹੈ।