13.09C Vancouver 13.09C VancouverNov 25, 2024 8:13 PM - Connect Newsroom
ਕੈਨੇਡੀਅਨ ਸੰਸਦ ਵਿਚ ਅੱਜ ਐੱਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਪੀ.ਐੱਮ. ਜਸਟਿਨ ਟਰੂਡੋ ਨੂੰ ਨਿਸ਼ਾਨੇ ’ਤੇ ਲੈਂਦੇ ਹੋਏ ਉਨ੍ਹਾਂ ਵਲੋਂ ਬਜ਼ੁਰਗਾਂ ਅਤੇ ਮੌਜੂਦਾ ਸਮੇਂ ਕੰਮ ਕਰ ਰਹੇ ਲੋਕਾਂ ਨੂੰ 250 ਡਾਲਰ ਰਿਬੇਟ ਤੋਂ ਬਾਹਰ ਰੱਖਣ ਦੇ ਇਲਜ਼ਾਮ ਲਗਾਏ। ਉਨ੍ਹਾਂ ਕਿਹਾ ਕਿ ਲਿਬਰਲ ਸਰਕਾਰ ਕੈਨੇਡਾ ਦੇ ਉਨ੍ਹਾਂ ਲੋਕਾਂ ਨੂੰ ਰਿਬੇਟ ਤੋਂ ਬਾਹਰ ਰੱਖ ਰਹੀ ਹੈ, ਜਿਨ੍ਹਾਂ ਨੂੰ ਇਸ ਦੀ ਬਹੁਤ ਜ਼ਿਆਦਾ ਜ਼ਰੂਰਤ ਹੈ।
ਉੱਥੇ ਹੀ, ਇਸ ਦੌਰਾਨ ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਲੀਵਰੇ ਨੇ ਜਗਮੀਤ ਸਿੰਘ ’ਤੇ ਨਿਸ਼ਾਨਾ ਸਾਧਿਆ, ਪੋਲੀਵਰੇ ਨੇ ਕਿਹਾ ਕਿ ਇਕ ਪਾਸੇ ਜਗਮੀਤ ਸਿੰਘ ਕਹਿੰਦੇ ਹਨ ਕਿ ਉਨ੍ਹਾਂ ਨੇ ਸਰਕਾਰ ਨਾਲ ਸਮਝੌਤਾ ਖ਼ਤਮ ਕਰ ਦਿੱਤਾ ਹੈ, ਦੂਜੇ ਪਾਸੇ ਦੋ ਮਹੀਨੇ ਦੀ ਰਾਹਤ ਲਈ ਟਰੂਡੋ ਨੂੰ ਸਪੋਰਟ ਦੇ ਰਹੇ ਹਨ।
ਪੋਲੀਵਰੇ ਨੇ ਕਿਹਾ ਕਿ ਜੇ ਇੰਨਾ ਹੀ ਹੈ ਤਾਂ ਉਹ ਤਤਕਾਲ ਇਲੈਕਸ਼ਨ ਲਈ ਵੋਟ ਕਰਨ ਤਾਂ ਜੋ ਕੈਨੇਡੀਅਨ ਖੁਦ ਫੈਸਲਾ ਕਰ ਸਕਣ ਕਿ ਕਿਸ ਨੂੰ ਚੁਣਨਾ ਹੈ।
ਗੌਰਤਲਬ ਹੈ ਕਿ ਪੀਐੱਮ ਟਰੂਡੋ ਨੇ ਉਨ੍ਹਾਂ ਕੈਨੇਡੀਅਨ ਨੂੰ ਮਾਰਚ 2025 ਤੋਂ $250 ਦੇ ਚੈਕ ਭੇਜਣ ਦਾ ਐਲਾਨ ਕੀਤਾ ਹੈ, ਜਿਨ੍ਹਾਂ ਦੀ 2023 ਵਿਚ ਟੈਕਸ ਤੋਂ ਬਾਅਦ $150,000 ਤੱਕ ਇਨਕਮ ਰਹੀ ਹੈ।
