13.14C Vancouver 13.14C VancouverAug 17, 2021 4:36 PM -
ਇੱਕ ਨਵੇਂ ਸਰਵੇਖਣ ਦੇ ਨਤੀਜਿਆਂ ਦੇ ਮੁਤਾਬਿਕ ਚੋਣ ਮੁਹਿੰਮ ਦੇ ਪਹਿਲੇ ਦਿਨ ਵੀ ਲਿਬ੍ਰਲ ਪਾਰਟੀ 5 ਪੋਈਂਟਸ ਦੀ ਬੜਤ ਬਣਾ ਕੇ ਰੱਖਣ ਵਿੱਚ ਸਫਲ ਰਹੀ।
ਆਪਣਾ ਫੈਸਲਾ ਬਣਾ ਚੁੱਕੇ ਵੋਟਰਾਂ ਵਿੱਚੋਂ 35% ਲਿਬ੍ਰਲ ਪਾਰਟੀ ਨੂੰ ਸਮਰਥਨ ਦੇ ਰਹੇ ਹਨ, 30% ਕਨਸਰਵੇਟਿਵ ਅਤੇ 20% ਐਨ ਡੀ ਪੀ ਦੇ ਨਾਲ ਹਨ।
ਬਲੋਕ ਲਈ 7% ਲੋਕ ਵੋਟ ਪਾਉਂਣਗੇ ਜਦ ਕਿ ਗ੍ਰੀਨ ਪਾਰਟੀ ਨੂੰ 5% ਅਤੇ ਪੀਪਲ ਪਾਰਟੀ ਔਫ ਕੈਨੇਡਾ ਨੂੰ 2% ਲੋਕ ਆਪਣਾ ਸਮਰਥਨ ਦਿੰਦੇ ਹਨ।
ਇਹ ਆਨਲਾਇਨ ਸਰਵੇ 13 ਅਗਸਤ ਤੋਂ 15 ਅਗਸਤ ਤਕ ਲੇਜੇਰ ਵੱਲੋਂ ਕੈਨੇਡਿਯਨ ਪ੍ਰੈਸ ਨਾਲ ਰਲ਼ ਕੇ ਕਰਵਾਇਆ ਗਿਆ ਜਿਸ ਵਿੱਚ ਕੈਨੇਡਾ ਦੇ 2007 ਲੋਕਾਂ ਨੂੰ ਸ਼ਾਮਿਲ ਕੀਤਾ ਗਿਆ ਸੀ।
ਐਤਵਾਰ ਨੂੰ ਚੋਣਾਂ ਐਲਾਨਅਣ ਤੋਂ ਤੁਰੰਤ ਬਾਅਦ ਟਰੂਡੋ ਨੇ ਕਿਹਾ ਸੀ ਕਿ ਇਹ ਚੋਣਾਂ ਉਹਨਾਂ ਦੀ ਸਰਕਾਰ ਵੱਲੋਂ ਮਹਾਂਮਾਰੀ ਦੌਰਾਨ ਕੈਨੇਡਾ ਦੇ ਲੋਕਾਂ ਦੀ ਕੀਤੀ ਗਈ ਮੱਦਦ ਦਾ ਰੈਫ਼ਰੈਂਡਮ ਹੋਣਗੀਆਂ।
ਇਸ ਵਾਰ ਦੀ ਚੋਣ ਮੁਹਿੰਮ 36 ਦਿਨ ਚੱਲੇਗੀ ਜੋ ਕਿ ਇਲੈਕਸ਼ਨ ਲਾਅ ਅਧੀਨ ਸਭ ਤੋਂ ਘੱਟ ਸਮੇਂ ਦੀ ਮੁਹਿੰਮ ਹੋਵੇਗੀ।
ਵੋਟਾਂ 20 ਸਤੰਬਰ ਨੂੰ ਪੈਣੀਆਂ ਹਨ।
