ਪੋਪ ਫਰਾਂਸਿਸ ਦੀ ਸਿਹਤ ’ਚ ਸੁਧਾਰ, ਹਫਤਾਵਾਰੀ ਜਨਤਕ ਪ੍ਰਾਰਥਨਾ ’ਚ ਹੋਏ ਸ਼ਾਮਲ

ਪੋਪ ਫਰਾਂਸਿਸ ਆਪਣੀ ਸਿਹਤ ਵਿੱਚ ਸੁਧਾਰ ਦੇ ਬਾਅਦ ਬੁੱਧਵਾਰ ਨੂੰ ਹਫਤਾਵਾਰੀ ਜਨਤਕ ਪ੍ਰਾਰਥਨਾ ਲਈ ਪੁੱਜੇ ਅਤੇ ਉਨ੍ਹਾਂ ਨੇ ਪੱਛਮੀ ਏਸ਼ੀਆ, ਯੂਕ੍ਰੇਨ ਅਤੇ ਹੋਰ ਥਾਵਾਂ ’ਤੇ ਸ਼ਾਂਤੀ ਦੀ ਅਪੀਲ ਕੀਤੀ।

ਪਿਛਲੇ ਹਫ਼ਤੇ ਫਲੂ ਦੇ ਲੱਛਣਾ ਕਾਰਨ ਪੋਪ ਦੇ ਸਾਰੇ ਪ੍ਰੋਗਰਾਮ ਰੱਦ ਕਰ ਦਿੱਤੇ ਗਏ ਸਨ। ਪੋਪ ਨੂੰ ਬੁੱਧਵਾਰ ਨੂੰ ਵੈਟੀਕਨ ਦੇ ਪ੍ਰਾਰਥਨਾ ਹਾਲ ਵਿੱਚ ਵ੍ਹੀਲਚੇਅਰ ’ਤੇ ਲਿਆਂਦਾ ਗਿਆ। ਪੋਪ ਨੇ ਫਲੂ ਦੇ ਕਾਰਨ ਸ਼ਨੀਵਾਰ ਅਤੇ ਸੋਮਵਾਰ ਲਈ ਪਹਿਲਾਂ ਤੋਂ ਨਿਰਧਾਰਤ ਸਾਰੇ ਪ੍ਰੋਗਰਾਮਾਂ ਨੂੰ ਰੱਦ ਕਰ ਦਿੱਤਾ ਸੀ, ਪਰ ਲੰਘੇ ਐਤਵਾਰ ਨੂੰ ਉਹ ਸੇਂਟ ਪੀਟਰਜ਼ ਸਕੁਏਅਰ ’ਤੇ ਆਮ ਵਾਂਗ ਦਿਖਾਈ ਦਿੱਤੇ ਸਨ।

ਦੱਸਣਯੋਗ ਹੈ ਕਿ ਪੋਪ ਫਰਾਂਸਿਸ ਪਿਛਲੇ ਸਾਲ ਤੋਂ ਵ੍ਹੀਲਚੇਅਰ ਦੀ ਵਰਤੋਂ ਕਰ ਰਹੇ ਹਨ, ਕਿਉਂਕਿ ਗੋਡਿਆਂਦੇ ਲਿਗਾਮੈਂਟਸ ਅਤੇ ਇਕ ਛੋਟੇ ਗੋਡੇ ਦੇ ਫਰੈਕਚਰ ਕਾਰਨ ਤੁਰਨਾ ਅਤੇ ਖੜ੍ਹੇ ਹੋਣਾ ਮੁਸ਼ਕਿਲ ਹੋ ਗਿਆ ਹੈ।

ਜ਼ਿਕਰਯੋਗ ਹੈ ਕਿ ਪੋਪ ਨੇ ਆਪਣੀ ਵ੍ਹੀਲਚੇਅਰ ਤੋਂ ਸਾਰਿਆਂ ਨੂੰ ਨਮਸਕਾਰ ਕਰਨ, ਗੱਲ ਕਰਨ, ਬੱਚਿਆਂ ਨੂੰ ਆਸ਼ੀਰਵਾਦ ਦੇਣ ਅਤੇ ਤੋਹਫ਼ਿਆਂ ਦਾ ਆਦਾਨ-ਪ੍ਰਦਾਨ ਕਰਨ ਲਈ ਲਗਭਗ ਇਕ ਘੰਟਾ ਬਿਤਾਇਆ।