ਪੋਪ ਫਰਾਂਸਿਸ ਦਾ ਕੈਨੇਡਾ ਦੌਰਾ, ਰੈਂਜ਼ੀਡੈਂਸ਼ਲ ਸਕੂਲ ਨਾਲ ਸਬੰਧਤ ਇਤਿਹਾਸਕ ਮੁਆਫੀ ਮੰਗਣ ਦੀ ਉਮੀਦ

ਪੋਪ ਫਰਾਂਸਿਸ ਅੱਜ ਸਾਊਥ ਐਡਮਿੰਟਨ ਦੇ ਮਾਸਕਵੈਸਿਸ ਕਮਿਊਨਿਟੀ ਵਿਚ ਸਾਬਕਾ ਇਰਮਿਨਸਕਿਨ ਇੰਡੀਅਨ ਰੈਂਜ਼ੀਡੈਂਸ਼ਲ ਸਕੂਲ ਦੇ ਦੌਰੇ 'ਤੇ ਹਨ।

ਜਿੱਥੇ ਉਹ ਕੈਨੇਡਾ ਵਿਚ ਆਪਣੀ ਪਹਿਲੀ ਪਬਲਿਕ ਸਟੇਟਮੈਂਟ ਦੇਣਗੇ। ਇਸ ਦੌਰਾਨ ਉਨ੍ਹਾਂ ਵੱਲੋਂ ਇੰਡਜਨਸ ਲੋਕਾਂ ਤੋਂ ਉਨ੍ਹਾਂ ਨਾਲ ਹੋਏ ਦੁਰਵਿਵਹਾਰ ਲਈ ਮੁਆਫੀ ਮੰਗਣ ਦੀ ਉਮੀਦ ਹੈ।

ਪੋਪ ਫਰਾਂਸਿਸ ਬੀਤੇ ਦਿਨ ਐਡਮਿੰਟਨ ਪਹੁੰਚੇ ਸਨ।

ਫਰਾਂਸਿਸ ਦੁਪਹਿਰ ਨੂੰ ਐਡਮਿੰਟਨ ਦੇ ਚਰਚ ਆਫ਼ ਸੈਕਰਡ ਹਾਰਟ ਵਿਖੇ ਇੰਡਜਨਸ ਲੋਕਾਂ ਅਤੇ ਪੈਰਿਸ਼ ਮੈਂਬਰਾਂ ਨਾਲ ਗੱਲ ਕਰਨਗੇ।

ਗੌਰਤਲਬ ਹੈ ਕਿ ਕਿਊਬਿਕ ਸਿਟੀ ਤੇ ਇਕਾਲੁਇਟ ਦੀ ਯਾਤਰਾ ਤੋਂ ਪਹਿਲਾਂ ਪੋਪ ਐਡਮਿੰਟਨ ਸਿਟੀ ਦੇ ਫੁੱਟਬਲ ਸਟੇਡੀਅਮ ਵਿਚ ਇੱਕ ਵੱਡੀ ਭੀੜ ਨੂੰ ਸੰਬੋਧਨ ਕਰਨ ਵਾਲੇ ਹਨ ਅਤੇ ਲੈਕ ਸੈਟ. ਐਨੀ ਨੇੜੇ ਇੱਕ ਧਾਰਮਿਕ ਯਾਤਰਾ ਵਿਚ ਵੀ ਹਿੱਸਾ ਲੈਣਗੇ।