11.73C Vancouver 11.73C VancouverNov 10, 2022 1:28 AM - Connect News
ਅੱਜ ਸਿਟੀ ਆਫ ਪੋਰਟ ਮੂਡੀ ਵੱਲੋਂ ਜਾਣਕਾਰੀ ਦਿੱਤੀ ਗਈ ਹੈ ਕਿ ਰੌਕੀ ਪਾਇੰਟ ਪਾਰਕ ਦੇ ਇਲਾਕੇ 'ਚ ਨਵੇਂ ਹੈਰੀਟੇਜ ਸਟੋਰੀਬੋਰਡ ਦੀ ਘੁੰਡਚੁਕਾਈ ਹੋਈ ਹੈ ਜੋ ਕਿ ਕਾਮਾਗਾਟਾ ਮਾਰੂ ਘਟਨਾ ਨੂੰ ਸਮਰਪਿਤ ਹੈ।
ਇਸ ਸਟੋਰੀਬੋਰਡ ਦਾ ਟਾਈਟਲ 'ਰੀਮੈਂਬਰਿੰਗ ਦ ਕਾਮਾਗਾਟਾ ਮਾਰੂ' ਰੱਖਿਆ ਗਿਆ ਹੈ।
ਇਸ ਸਟੋਰੀਬੋਰਡ ਦੀ ਡਿਵੈਲਪਮੈਂਟ 'ਡੀਸੈਨਡੈਂਟਸ ਆਫ ਕਾਮਾਗਾਟਾ ਮਾਰੂ' ਅਤੇ ਸਿਟੀ ਦੇ ਹੈਰੀਟੇਜ ਕਮਿਸ਼ਨ ਵੱਲੋਂ ਕੀਤੀ ਗਈ ਹੈ।
ਮੇਅਰ ਮੇਘਨ ਲਾਹਤੀ ਦਾ ਕਹਿਣਾ ਸੀ ਕਿ ਇਹ ਸਟੋਰੀਬੋਰਡ ਇੱਕ ਅਹਿਮ ਚਿੰਨ ਹੈ ਜੋ ਯਾਦ ਦਵਾਉਂਦਾ ਹੈ ਕਿ ਸਿਸਟਮਿਕ ਨਸਲਵਾਦ ਨੇ ਕਿੰਨਾ ਨੁਕਸਾਨ ਪਹੁੰਚਾਇਆ ਹੈ।
ਉਨ੍ਹਾਂ ਕਿਹਾ ਕਿ ਇਹ ਚਿੰਨ ਸਾਨੂੰ ਉਤਸ਼ਾਹਤ ਕਰੇਗਾ ਕਿ ਭੇਦਭਾਵ ਨਾਲ ਲੜਾਈ ਜਾਰੀ ਰੱਖਿਆ ਜਾਵੇ ਜਿਸ ਨਾਲ ਇੱਕ ਬਿਹਤਰ ਭਵਿੱਖ ਵਲ ਵਧਿਆ ਜਾ ਸਕੇ।
ਯਾਦ ਰਹੇ ਇਹ ਮੈਮੋਰੀਅਲ ਉਨ੍ਹਾਂ ਸਵਾਰੀਆਂ ਦੇ ਸਨਮਾਨ 'ਚ ਸਥਾਪਿਤ ਕੀਤਾ ਗਿਆ ਹੈ ਜਿੰਨਾ ਦੇ ਸਮੁੰਦਰੀ ਜਹਾਜ਼ ਨੂੰ ਸਾਲ 1914 'ਚ ਵੈਨਕੂਵਰ 'ਚ ਦਾਖਿਲ ਹੋਣ ਦੀ ਇਜਾਜਤ ਨਹੀਂ ਦਿੱਤੀ ਗਈ ਸੀ।
