20.29C Vancouver 20.29C VancouverAug 12, 2025 8:47 PM -
ਏਅਰ ਕੈਨੇਡਾ ਦੇ ਲਗਭਗ 10,000 ਫਲਾਈਟ ਅਟੈਂਡੈਂਟਸ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਏਅਰਲਾਈਨ ਦੇ ਆਰਬਿਟਰੇਸ਼ਨ ਆਫਰ ਨੂੰ ਠੁਕਰਾ ਦਿੱਤਾ ਹੈ।
ਇਸ ਮਗਰੋਂ ਕੈਨੇਡੀਅਨ ਯੂਨੀਅਨ ਆਫ਼ ਪਬਲਿਕ ਇੰਪਲਾਈਜ਼ ਦੇ ਏਅਰ ਕੈਨੇਡਾ ਸੰਗਠਨ ਵਲੋਂ ਸ਼ਨੀਵਾਰ ਨੂੰ ਹੜਤਾਲ ਲਈ ਅੱਜ ਅੱਧੀ ਰਾਤ ਨੂੰ ਨੋਟਿਸ ਦਿੱਤਾ ਜਾ ਸਕਦਾ ਹੈ।
ਪਿਛਲੇ ਹਫ਼ਤੇ ਫਲਾਈਟ ਅਟੈਂਡੈਂਟ ਨੇ ਆਪਣੀ ਯੂਨੀਅਨ ਨੂੰ ਹੜਤਾਲ ਦਾ ਹੁਕਮ ਦੇਣ ਦੇ ਹੱਕ ਵਿਚ 99.7 ਫੀਸਦੀ ਵੋਟ ਕੀਤੀ ਸੀ।
ਏਅਰ ਕੈਨੇਡਾ ਨਾਲ ਨਵੇਂ ਠੇਕੇ ਸਬੰਧੀ ਗੱਲਬਾਤ ਵਿਚ ਤਨਖ਼ਾਹਾਂ ਦਾ ਪ੍ਰਮੁੱਖ ਮੁੱਦਾ ਹੈ।
ਯੂਨੀਅਨ ਨੇ ਕਿਹਾ ਕਿ ਗੱਲਬਾਤ ਰਾਹੀਂ ਸਮਝੌਤੇ ਦੇ ਉਲਟ ਮੈਂਬਰਾਂ ਨੂੰ ਆਰਬਿਟਰੇਸ਼ਨ ਦੇ ਫੈਸਲੇ 'ਤੇ ਵੋਟ ਕਰਨ ਦਾ ਮੌਕਾ ਨਹੀਂ ਮਿਲੇਗਾ ਤੇ ਇਹ ਫੈਸਲਾ ਅੰਤਿਮ ਹੋਵੇਗਾ, ਇਸ ਲਈ ਏਅਰਲਾਈਨ ਦੇ ਆਰਬਿਟਰੇਸ਼ਨ ਪ੍ਰਸਤਾਵ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਸਕਦਾ।
