20.08C Vancouver 20.08C VancouverJun 18, 2025 2:18 PM - The Canadian Press
ਬੀ.ਸੀ.ਦੇ ਪ੍ਰੀਮੀਅਰ ਡੇਵਿਡ ਈਬੀਦਾ ਕਹਿਣਾ ਹੈ ਕਿ ਉਹ ਬੀ.ਸੀ.ਫੈਰੀਜ਼ ਦੇ ਚਾਰ ਨਵੇਂ ਸਮੁੰਦਰੀ ਜਹਾਜ਼ ਬਣਾਉਣ ਲਈ ਚੀਨ ਦੀ ਸਰਕਾਰੀ ਸ਼ਿਪਯਾਰਡ ਨੂੰ ਕਿਰਾਏ 'ਤੇ ਲੈਣ ਦੇ ਫੈਸਲੇ ਵਿੱਚ ਦਖ਼ਲ ਨਹੀਂ ਦੇਣਗੇ। ਜਦਕਿ ਇਸ ਫੈਸਲੇ ਦੀ ਵਿਰੋਧੀ ਆਲੋਚਕਾਂ ਅਤੇ ਯੂਨੀਅਨਾਂ ਵਲੋਂ ਆਲੋਚਨਾ ਕੀਤੀ ਜਾ ਰਹੀ ਹੈ। ਬੀ.ਸੀ. ਫੈਰੀਜ਼ ਸੁਤੰਤਰ ਤੌਰ 'ਤੇ ਕੰਮ ਕਰਦੀਆਂ ਹਨ ਪਰ ਸੂਬਾ ਇਸ ਦਾ ਇਕੱਲਾ ਸ਼ੇਅਰਧਾਰਕ ਹੈ ਅਤੇ ਸੂਬਾ ਅਤੇ ਫੈ਼ਡਰਲ ਸਰਕਾਰ ਵਲੋਂ ਇਸ ਨੂੰ ਫੰਡਿੰਗ ਕੀਤੀ ਜਾਂਦੀ ਹੈ। ਈ.ਬੀ.ਨੇ ਕਿਹਾ ਕਿ ਹਾਲਾਂਕਿ ਉਹ ਬੀ.ਸੀ.ਫੈਰੀਜ਼ ਦੇ ਇਸ ਫੈਸਲੇ ਨਾਲ ਖੁਸ਼ ਨਹੀਂ ਹਨ ਪਰ ਉਨ੍ਹਾਂ ਨੂੰ ਨਵੇਂ ਜਹਾਜ਼ਾਂ ਦੀ ਜ਼ਰੂਰਤ ਹੈ।
ਉਨ੍ਹਾਂ ਦੱਸਿਆ ਕਿ ਕਿਸੇ ਵੀ ਕੈਨੇਡੀਅਨ ਕੰਪਨੀ ਨੇ ਫੈਰੀਜ਼ ਤਿਆਰ ਕਰਨ ਲਈ ਬੋਲੀ ਨਹੀਂ ਲਗਾਈ ਸੀ। ਸੂਬੇ ਦੇ ਮੁੱਖ ਜਹਾਜ਼ ਨਿਰਮਾਤਾ ਸੀਸਪੈਨ ਮੁਤਾਬਕ ਉਹ ਮਿਲਟਰੀ ਲਈ ਤਿਆਰੀ ਵਿਚ ਰੁੱਝੇ ਹਨ ਅਤੇ ਸਮੇਂ ਦੀ ਕਮੀ ਹੈ।
ਟਰਾਂਸਪੋਰਟੇਸ਼ਨ ਮੰਤਰੀ ਮਾਈਕ ਫਾਰਨਵਰਥ ਨੇ ਪਹਿਲਾਂ ਦੱਸਿਆ ਸੀ ਕਿ ਜੇਕਰ ਇਸ ਨੂੰ ਯੂਰਪ ਵਿਚ ਤਿਆਰ ਕੀਤਾ ਜਾਂਦਾ ਹੈ ਤਾਂ ਇਸ ਲਈ $1 ਬਿਲੀਅਨ ਵਾਧੂ ਖਰਚਾ ਆਵੇਗਾ,ਹਾਲਾਂਕਿ ਉਨ੍ਹਾਂ ਨੇ ਵੀ ਚੀਨ ਨਾਲ ਕੰਟਰੈਕਟ ਲਈ ਚਿੰਤਾ ਪ੍ਰਗਟਾਈ ਸੀ। ਬੀ.ਸੀ.ਫੈਰੀਜ਼ ਨੇ ਚੀਨ ਵਪਾਰੀ ਉਦਯੋਗ ਵੇਈਹਾਈ ਸ਼ਿਪਯਾਰਡ ਨਾਲ ਇਹ ਸੌਦਾ ਕਿੰਨੇ ਵਿਚ ਕੀਤਾ,ਇਸ ਸਬੰਧੀ ਸਟੀਕ ਜਾਣਕਾਰੀ ਨਹੀਂ ਮਿਲ ਸਕੀ।
