13.42C Vancouver 13.42C VancouverOct 12, 2022 11:57 PM - The Canadian Press
ਪ੍ਰੀਮਿਅਰ ਜੌਨ ਹੌਰਗਨ ਨੇ ਐਲਬਰਟਾ ਦੀ ਨਵੀਂ ਪ੍ਰੀਮਿਅਰ ਡੈਨੀਐਲ ਸਮਿਥ ਵੱਲੋਂ ਕੀਤੀ ਕੋਵਿਡ-19 ਵੈਕਸੀਨ ਹਾਸਿਲ ਨਾ ਕਰਨ ਵਾਲੇ ਲੋਕਾਂ ਸੰਬੰਧੀ ਟਿੱਪਣੀ ਨੂੰ ਹਾਸੋਹੀਣਾ ਦੱਸਿਆ ਹੈ।
ਦਰਅਸਲ ਐਲਬਰਟਾ ਦੀ ਪ੍ਰੀਮਿਅਰ ਨੇ ਇੱਕ ਟਿੱਪਣੀ ਦੌਰਾਨ ਆਖਿਆ ਸੀ ਕਿ ਕੋਵਿਡ-19 ਦੀ ਵੈਕਸੀਨ ਹਾਸਿਲ ਨਾ ਕਰਨ ਵਾਲੇ ਲੋਕਾਂ ਨੂੰ ਡਿਸਕ੍ਰੀਮੀਨੇਸ਼ਨ ਯਾਨੀ ਕਿ ਭੇਦਭਾਵ ਦਾ ਸਾਹਮਣਾ ਕਰਨਾ ਪਿਆ ਹੈ।
ਹੌਰਗਨ ਨੇ ਕਿਹਾ ਕਿ ਇਹ ਟਿੱਪਣੀ ਛੋਟੀ ਦ੍ਰਿਸ਼ਟੀ ਵਾਲੀ ਅਤੇ ਹਾਸੋਹੀਣੀ ਹੈ।
ਹੌਰਗਨ ਨੇ ਕਿਹਾ ਕਿ ਡੈਨੀਐਲ ਸਮਿਥ ਨੇ ਕੁਝ ਕੁ ਲੋਕਾਂ 'ਤੇ ਧਿਆਨ ਕੇਂਦਰਿਤ ਕੀਤਾ ਜਦ ਉਨ੍ਹਾਂ ਕਿਹਾ ਕਿ ਆਪਣੇ ਜੀਵਨ 'ਚ ਉਨ੍ਹਾਂ ਅਜਿਹਾ ਵਿਤਕਰਾ ਕਿਸੇ ਨਾਲ ਨਹੀਂ ਹੁੰਦੇ ਵੇਖਿਆ ਜਿਸ ਪ੍ਰਕਾਰ ਦਾ ਵਿਤਕਰਾ ਅਨਵੈਕਸੀਨੇਟਿਡ ਲੋਕਾਂ ਨਾਲ ਹੁੰਦੇ ਵੇਖਿਆ ਹੈ।
ਹੌਰਗਨ ਨੇ ਕਿਹਾ ਕਿ ਬਹੁਤੇ ਕਨੇਡੀਅਨ ਲੋਕਾਂ ਨੇ ਆਪਣੀ ਜਿੰਮੇਵਾਰੀ ਸਮਝੀ ਕਿ ਸ਼ੌਟਸ ਹਾਸਿਲ ਕੀਤੇ ਜਾਣ। ਉਹ ਵਿਕਟੋਰੀਆ 'ਚ ਇੱਕ ਰੇਡੀਓ ਨਾਲ ਗੱਲਬਾਤ ਕਰ ਰਹੇ ਸਨ।
ਉਨ੍ਹਾਂ ਕਿਹਾ ਕਿ ਅਜਿਹੇ ਸਮੇਂ ਜਦ ਲੋਕ ਪੈਂਡੈਮਿਕ ਵਿੱਚੋਂ ਲੰਘ ਰਹੇ ਹਨ, ਜਹਿਰੀਲੇ ਡਰੱਗਸ ਦੇ ਸੰਕਟ ਦਾ ਸਾਹਮਣਾ ਕਰ ਰਹੇ ਹਨ ਅਤੇ ਹੈਲਥ ਕੇਅਰ ਸਿਸਟਮ ਸਟਾਫਿੰਗ ਸੰਕਟ ਵਿੱਚੋਂ ਲੰਘ ਰਿਹਾ ਹੈ, ਉਸ ਮੌਕੇ ਇਹ ਟਿੱਪਣੀ ਗਲਤ ਹੈ।
