22.39C Vancouver 22.39C VancouverJun 23, 2022 11:59 PM - The Canadian Press
ਪ੍ਰੀਮਿਅਰ ਜੌਨ ਹੌਰਗਨ ਨੇ ਅੱਜ ਨੈਸ਼ਨਲ ਡੇਅ ਆਫ ਰੀਮੈਂਬਰੈਂਸ ਫਾਰ ਵਿਕਟਿਮਸ ਆਫ ਟੈਰਰਿਜਮ ਮੌਕੇ ਏਅਰ ਇੰਡੀਆ ਫਲਾਈਟ 182 'ਚ ਹੋਏ ਬੰਬ ਧਮਾਕੇ ਸੰਬੰਧੀ ਗੱਲਬਾਤ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਆਇਰਲੈਂਡ ਕੋਲ ਹੋਏ ਫਲਾਈਟ ਸੰਬੰਧੀ ਬੰਬ ਧਮਾਕੇ 'ਚ 280 ਕਨੇਡੀਅਨਸ ਸਮੇਤ 329 ਯਾਤਰੀਆਂ ਦੀ ਮੌਤ ਹੋ ਗਈ ਸੀ ਅਤੇ ਇਹ ਇੱਕ ਅਜਿਹਾ ਭਿਆਨਕ ਅਪਰਾਧ ਸੀ ਜਿਸ ਨੂੰ ਕਦੀ ਵੀ ਕਿਸੇ ਨੂੰ ਭੁੱਲਣਾ ਨਹੀਂ ਚਾਹੀਦਾ।
ਉਨ੍ਹਾਂ ਦੇ ਬਿਆਨ 'ਚ ਆਖਿਆ ਗਿਆ ਹੈ ਕਿ ਬੀ.ਸੀ. 'ਚ ਬੈਠੇ ਅੱਤਵਾਦੀਆਂ ਨੇ 37 ਸਾਲ ਪਹਿਲਾਂ ਵਾਪਰੇ ਇਸ ਧਮਾਕੇ ਨੂੰ ਅੰਜਾਮ ਦਿੱਤਾ ਸੀ।
ਅੱਜ ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਕਿ ਸਭ ਨੂੰ ਨਫਰਤ ਦੇ ਖਿਲਾਫ ਸਟੈਂਡ ਲੈਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਅੱਤਵਾਦ ਦੀਆਂ ਹਰਕਤਾਂ ਨੂੰ ਖਾਰਿਜ ਕਰਨ ਦੀ ਲੋੜ ਹੈ ਅਤੇ ਅਜਿਹੇ ਮੌਕਿਆਂ 'ਤੇ ਨਿਸ਼ਾਨਾ ਬਣੇ ਲੋਕਾਂ ਲਈ ਹਮਦਰਦੀ ਰੱਖਣੀ ਚਾਹੀਦੀ ਹੈ।
