14.15C Vancouver 14.15C VancouverNov 4, 2021 8:32 PM - Connect News
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਦੇ ਗਲੇ ਨਾਲ ਜੁੜੀ ਬਾਇਓਪਸੀ ਸਰਜਰੀ ਦੇ ਨਤੀਜੇ ਸਾਹਮਣੇ ਆ ਗਏ ਹਨ।
ਉਨ੍ਹਾਂ ਦੇ ਗਲੇ 'ਚ ਮਿਲਿਆ ਲੰਪ ਕੈਂਸਰਸ ਦੱਸਿਆ ਗਿਆ ਹੈ।
ਅੱਜ ਜਾਰੀ ਇੱਕ ਬਿਆਨ 'ਚ ਪ੍ਰੀਮਿਅਰ ਹੌਰਗਨ ਨੇ ਦੱਸਿਆ ਕਿ ਅਗਲੇ ਕਰੀਬ 2 ਹਫ਼ਤੇ 'ਚ ਉਨ੍ਹਾਂ ਦਾ ਰੇਡੀਏਸ਼ਨ ਟ੍ਰੀਟਮੈਂਟ ਸ਼ੁਰੂ ਹੋ ਜਾਵੇਗਾ।
ਹਾਲਾਂਕਿ ਉਨ੍ਹਾਂ ਆਪਣੇ ਬਿਆਨ 'ਚ ਦੱਸਿਆ ਕਿ ਉਹ ਪੂਰੀ ਤਰ੍ਹਾਂ ਰਿਕਵਰ ਕਰਨ ਦੀ ਆਸ ਕਰ ਰਹੇ ਹਨ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਹ ਟ੍ਰੀਟਮੈਂਟ ਦਿਸੰਬਰ ਦੇ ਅੰਤ ਤਕ ਪੂਰਾ ਹੋ ਜਾਵੇਗਾ।
ਹੌਰਗਨ ਨੇ ਦੱਸਿਆ ਕਿ ਟ੍ਰੀਟਮੈਂਟ ਦੇ ਦੌਰਾਨ ਉਹ ਵਰਚੁਅਲ ਢੰਗ ਨਾਲ ਬੈਠਕਾਂ 'ਚ ਹਿੱਸਾ ਲੈਂਦੇ ਰਹਿਣਗੇ।
ਹੌਰਗਨ ਨੇ ਇਹ ਵੀ ਕਿਹਾ ਕਿ ਉਹ ਅਗਲੇ ਸਾਲ ਦੀ ਸ਼ੁਰੂਆਤ ਤਕ ਲੈਜਿਸਲੇਚਰ 'ਚ ਵਾਪਸੀ ਦੀ ਉਮੀਦ ਕਰ ਰਹੇ ਹਨ।
ਹੌਰਗਨ ਨੇ ਇਸ ਮੌਕੇ ਉਚੇਚੇ ਤੌਰ 'ਤੇ ਉਨ੍ਹਾਂ ਲੋਕਾਂ ਦਾ ਵੀ ਧੰਨਵਾਦ ਕੀਤਾ ਜਿੰਨਾ ਨੇ ਖਰਾਬ ਸਿਹਤ ਵਿਚਾਲੇ ਉਨ੍ਹਾਂ ਲਈ ਸ਼ੁਭਕਾਮਨਾਵਾਂ ਭੇਜੀਆਂ ਹਨ।
