18.19C Vancouver 18.19C VancouverJun 23, 2021 8:46 PM -
ਪ੍ਰੀਮਿਅਰ ਜੌਨ ਹੌਰਗਨ ਨੇ ਅੱਜ ਉਸ ਘਟਨਾ ਨੂੰ ਯਾਦ ਕੀਤਾ ਹੈ ਜਦ 36 ਸਾਲ ਪਹਿਲਾਂ ਏਅਰ ਇੰਡੀਆ ਫਲਾਈਟ 192 ਦੇ ਬੰਬ ਧਮਾਕੇ 'ਚ 329 ਸਵਾਰੀਆਂ ਦੀ ਮੌਤ ਹੋ ਗਈ ਸੀ।
ਇਹ ਧਮਾਕਾ ਐਟਲਾਂਟਿਕ ਮਹਾਂਸਾਗਰ ਦੇ ਉੱਤੇ ਹੋਇਆ ਸੀ।
ਹਵਾਈ ਜਹਾਜ਼ 'ਚ ਸਵਾਰ 280 ਲੋਕ ਕਨੇਡੀਅਨ ਸਨ, ਜਿਸ 'ਚ ਬਹੁਤੇ ਬੀ.ਸੀ. ਵਾਸੀ ਸਨ।
ਦੇਸ਼ ਦੇ ਇਤਿਹਾਸ 'ਚ ਇਹ ਬੰਬ ਧਮਾਕਾ ਸਭ ਤੋਂ ਭਿਆਨਕ ਅੱਤਵਾਦੀ ਹਮਲਾ ਅਤੇ ਮਾਸ ਮਰਡਰ ਮੰਨਿਆ ਜਾਂਦਾ ਹੈ।
ਹੌਰਗਨ ਨੇ ਇੱਕ ਬਿਆਨ 'ਚ ਕਿਹਾ ਹੈ ਕਿ "ਅਸੀਂ ਸਾਰੇ ਕਨੇਡੀਅਨ ਲੋਕਾਂ ਨੂੰ ਯਾਦ ਕਰਦੇ ਹਾਂ ਜਿੰਨਾ ਦੇ ਜੀਵਨ ਅੱਤਵਾਦ ਕਾਰਨ ਖਤਮ ਹੋ ਗਏ।"
ਉਨ੍ਹਾਂ ਇਸ ਮੌਕੇ ਹਾਲ 'ਚ ਔਂਟੈਰੀਓ ਦੇ ਲੰਡਨ 'ਚ ਜਾਨ ਗਵਾਉਣ ਵਾਲੇ ਇੱਕੋ ਪਰਿਵਾਰ ਦੇ 4 ਮੈਂਬਰਾਂ ਨੂੰ ਵੀ ਯਾਦ ਕੀਤਾ।
ਹੌਰਗਨ ਨੇ ਕਿਹਾ ਕਿ ਜਿਹੜੇ ਲੋਕਾਂ ਨੂੰ ਕਦੀ ਧਰਮ, ਐਥਨਿਸਿਟੀ, ਲਿੰਗ ਜਾਂ ਨਸਲ ਕਾਰਨ ਭੇਦਭਾਵ ਦਾ ਸਾਹਮਣਾ ਨਹੀਂ ਕਰਨਾ ਪਿਆ, ਉਨ੍ਹਾਂ 'ਤੇ ਵੀ ਜ਼ਿੰਮੇਵਾਰੀ ਹੈ ਕਿ ਇਹਨਾਂ ਫਰਕਾਂ ਨੂੰ ਮੰਨਿਆ ਜਾਵੇ ਅਤੇ ਇੱਕ-ਦੂਜੇ ਪ੍ਰਤੀ ਚੰਗਾ ਵਿਵਹਾਰ ਅਤੇ ਸੰਵੇਦਨਾ ਰੱਖੀ ਜਾਵੇ।
