18.09C Vancouver 18.09C VancouverJun 12, 2020 8:43 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਦਾ ਕਹਿਣਾ ਹੈ ਕਿ ਪੁਲੀਸ ਡੀਫੰਡਿੰਗ ਦੀ ਹਿਮਾਇਤ ਕਰਨ ਵਾਲੇ, ਇੱਕ ਬਹੁਤ ਪੇਚੀਦਾ ਸਮੱਸਿਆ ਲਈ ਇੱਕ ਬਹੁਤ ਸਰਲ ਅਤੇ ਅਧੂਰਾ ਹੱਲ ਸੁਝਾਅ ਰਹੇ ਹਨ।
ਜੌਹਨ ਹੌਰਗਣ ਦਾ ਕਹਿਣਾ ਹੈ ਕਿ ਪੁਲੀਸ ਨੂੰ ਬੇਘਰੇ ਲੋਕਾਂ, ਮਾਨਸਿਕ ਰੋਗੀਆਂ ਅਤੇ ਨਸ਼ੇ ਨਾਲ ਜੂਝ ਰਹੇ ਵਿਅਕਤੀਆਂ ਦੇ ਨਾਲ ਕਈ ਤਰ੍ਹਾਂ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਇਹਨਾਂ ਖੇਤਰਾਂ ਵਿੱਚ ਵੱਧ ਫੰਡਿੰਗ ਦੀ ਲੋੜ ਹੈ।
ਹੋਰਗਨ ਨੇ ਕਿਹਾ ਕਿ ਪੁਲੀਸ ਤੋਂ ਜਨਤਕ ਸੁਰੱਖਿਆ ਦਾ ਧਿਆਨ ਰੱਖਣ ਦੇ ਨਾਲ-ਨਾਲ ਅਜਿਹੇ ਮਸਲਿਆਂ ਨਾਲ ਵੀ ਨਜਿੱਠਣ ਦੀ ਉਮੀਦ ਕਰਨਾ ਅਨੁਚਿਤ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਇਹ ਸੁਨਿਸ਼ਚਿਤ ਕਰਨ ਦੀ ਲੋੜ ਹੈ ਕਿ ਜਨਤਾ ਵੱਲੋਂ ਪੁਲੀਸ ਤੋਂ ਉਹਨਾਂ ਦੀ ਸਮਰੱਥਾ ਤੋਂ ਵੱਧ ਦੀ ਉਮੀਦ ਨਾ ਕੀਤੀ ਜਾਵੇ।
ਹੌਰਗਣ ਮੁਤਾਬਕ ਜੌਰਜ ਫਲੌਇਡ ਦੀ ਮੌਤ ਤੋਂ ਬਾਅਦ ਸ਼ੁਰੂ ਹੋਈ ਪੁਲੀਸ ਡੀਫੰਡਿੰਗ ਬਾਰੇ ਸ਼ੁਰੂ ਹੋਈ ਗੱਲਬਾਤ ਇਸ ਗੱਲ ਦਾ ਸੰਕੇਤ ਹੈ ਕਿ 45 ਸਾਲ ਪੁਰਾਣੇ ਪੁਲੀਸ ਐਕਟ ਦੀ ਸਮੀਖਿਆ ਕਰਨ ਦਾ ਸਮਾਂ ਆ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਸੂਬੇ ਵੱਲੋਂ ਇਸ ਸੰਬੰਧ ਵਿੱਚ ਭਾਈਚਾਰਿਆਂ ਨਾਲ ਸਲਾਹ ਮਸ਼ਵਰਾ ਕਰਨ ਲਈ ਇੱਕ ਕਮੇਟੀ ਦਾ ਗਠਨ ਕੀਤਾ ਜਾਵੇਗਾ।
