ਪ੍ਰੀਮੀਅਰ ਡੈਨੀਅਲ ਸਮਿਥ ਫੈਡਰਲ ਸਰਕਾਰ ਦੇ ਨਿਕਾਸੀ ਕੈਪਸ ਦੇ ਵਿਰੋਧ ਵਿਚ ਕਰੇਗੀ ਕਾਰਵਾਈ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਟਰੂਡੋ ਸਰਕਾਰ ਵਲੋਂ ਤੇਲ ਅਤੇ ਗੈਸ ਸੈਕਟਰ ਲਈ ਨਿਕਾਸੀ ਕੈਪਸ ਲਾਗੂ ਕਰਨ ਖਿਲਾਫ ਸੋਵਰੈਂਟੀ ਐਕਟ ਦੀ ਵਰਤੋਂ ਕਰ ਸਕਦੀ ਹੈ। ਫੈਡਰਲ ਸਰਕਾਰ ਨੇ ਕੈਨੇਡਾ ਵਿਚ ਗ੍ਰੀਨ ਹਾਊਸ ਗੈਸਾਂ ਦੇ ਨਿਕਾਸ ਅਗਲੇ 8 ਸਾਲਾਂ ਦੌਰਾਨ ਇਕ-ਤਿਹਾਈ ਘਟਾਉਣ ਦੀ ਯੋਜਨਾ ਬਣਾਈ ਗਈ ਹੈ।

ਪ੍ਰੀਮੀਅਰ ਨੇ ਕਿਹਾ ਕਿ ਫੈਡਰਲ ਸਰਕਾਰ ਦੀਆਂ ਨੀਤੀਆਂ ਦੀ ਜੇਕਰ ਪਾਲਣਾ ਕੀਤੀ ਜਾਵੇ ਤਾਂ ਸੂਬਾ ਸਰਦੀਆਂ ਵਿਚ ਲੋਕਾਂ ਦੀ ਬਿਜਲੀ ਦੀ ਮੰਗ ਨੂੰ ਪੂਰਾ ਨਹੀਂ ਕਰ ਸਕੇਗਾ। ਉਨ੍ਹਾਂ ਕਿਹਾ ਕਿ ਸਿਰਫ ਵਿੰਡ ਤੇ ਸੋਲਰ ਐਨਰਜੀ ਨਾਲ ਸਰਦੀਆਂ ਵਿਚ ਵਧੇਰੇ ਬਿਜਲੀ ਪੈਦਾ ਨਹੀਂ ਕੀਤੀ ਜਾ ਸਕਦੀ, ਇਸ ਲਈ ਤੇਲ ਅਤੇ ਗੈਸ ਸੈਕਟਰ ਤੋਂ ਹੀ ਮਦਦ ਮਿਲ ਸਕਦੀ ਹੈ।

ਸਮਿਥ ਨੇ ਕਿਹਾ ਕਿ ਜੇਕਰ ਉਹ ਫੈਡਰਲ ਨਿਯਮਾਂ ਨੂੰ ਮੰਨਦੇ ਹਨ ਤਾਂ ਉਨ੍ਹਾਂ ਨੂੰ ਪ੍ਰੋਡਕਸ਼ਨ ਘਟਾਉਣੀ ਪਵੇਗੀ, ਜਿਸ ਨਾਲ ਰਵੈਨਿਊ ਘਟੇਗਾ ਅਤੇ ਸੂਬੇ ਦੀ ਆਰਥਿਕਤਾ ਨੂੰ ਘਾਟਾ ਪਵੇਗਾ। ਉਨ੍ਹਾਂ ਕਿਹਾ ਕਿ ਟਰੂਡੋ ਸਰਕਾਰ ਦੀ ਯੋਜਨਾ ਨਾਲ ਦੇਸ਼ ਭਰ ਦੇ 150,000 ਕਾਮਿਆਂ ਦੀਆਂ ਨੌਕਰੀਆਂ ਜਾਣਗੀਆਂ ਅਤੇ $28 ਬਿਲੀਅਨ ਘਟੇਗੀ।