ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਅੱਜ ਐਲਬਰਟਾ ਨੈਕਸਟ ਪੈਨਲ ਲਈ ਅਗਲੇ ਕਦਮਾਂ ਦੀ ਕਰੇਗੀ ਘੋਸ਼ਣਾ

ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਅੱਜ ਐਲਬਰਟਾ ਨੈਕਸਟ ਪੈਨਲ ਲਈ ਅਗਲੇ ਕਦਮਾਂ ਦੀ ਘੋਸ਼ਣਾ ਕਰੇਗੀ। ਸਮਿਥ ਸਰਕਾਰ ਨੇ ਫੈਡਰਲ ਸਰਕਾਰ ਵਲੋਂ ਕੀਤੀ ਜਾ ਰਹੀ ਵਧੀਕੀ ਦੇ ਜਵਾਬ ਵਿਚ ਇਸ ਪੈਨਲ ਦਾ ਗਠਨ ਕੀਤਾ ਸੀ। ਸਮਿਥ ਅੱਜ ਕੈਲਗਰੀ ਦੇ ਹੈਰੀਟੇਜ ਪਾਰਕ ਵਿਚ ਬਿਜ਼ਨਸ ਕੌਂਸਲ ਆਫ ਐਲਬਰਟਾ ਨਾਲ ਸ਼ਾਮਲ ਹੋਣਗੇ।

ਪ੍ਰੀਮੀਅਰ ਨੇ ਪਹਿਲਾਂ ਕਿਹਾ ਹੈ ਕਿ ਉਹ ਪੈਨਲ ਦੀ ਪ੍ਰਧਾਨਗੀ ਕਰੇਗੀ ਜੋ ਕਿ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਸਰਕਾਰ ਨਾਲ ਸੂਬੇ ਦੇ ਸਬੰਧਾਂ ਬਾਰੇ ਐਲਬਰਟਾ ਵਾਸੀਆਂ ਦੀਆਂ ਚਿੰਤਾਵਾਂ ਅਤੇ ਸੁਝਾਅ ਸੁਣੇਗਾ। ਇਸੇ ਤਹਿਤ ਸਮਿਥ ਸੂਬੇ ਭਰ ਦਾ ਦੌਰਾ ਕਰੇਗੀ। ਇਹ ਪੈਨਲ ਕੈਨੇਡਾ ਤੋਂ ਵੱਖ ਹੋਣ ਲਈ ਐਲਬਰਟਾ ਨੂੰ ਰਿਫਰੈਂਡਮ ਲਈ ਵੀ ਸਿਫਾਰਿਸ਼ਾਂ ਸੁਣੇਗਾ।