ਪ੍ਰੀਮੀਅਰ ਸਮਿਥ ਦਾ ਐਲਬਰਟਾ ਨੈਕਸਟ ਪੈਨਲ ਟਾਊਨ ਹਾਲ ਗ੍ਰੈਂਡ ਪ੍ਰੈਰੀ ਪਹੁੰਚਿਆ

ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਅਗਵਾਈ ਵਾਲਾ ਐਲਬਰਟਾ ਨੈਕਸਟ ਪੈਨਲ ਅੱਜ ਰਾਤ ਗ੍ਰੈਂਡ ਪ੍ਰੈਰੀ ਵਿੱਚ ਆਪਣਾ ਅਗਲਾ ਟਾਊਨ ਹਾਲ ਕਰੇਗਾ। ਇਨ੍ਹਾਂ ਟਾਊਨ ਹਾਲਾਂ ਦਾ ਮਕਸਦ ਔਟਵਾ ਤੋਂ ਜ਼ਿਆਦਾਤਰ ਰਾਜਨੀਤਿਕ ਨਿਯੰਤਰਣ ਨੂੰ ਆਪਣੇ ਹੱਥ ਲੈਣ ਸੰਬੰਧੀ ਲੋਕਾਂ ਦੇ ਵਿਚਾਰ ਇਕੱਠੇ ਕਰਨਾ ਹੈ, ਜਿਨ੍ਹਾਂ ਦੇ ਅਧਾਰ ‘ਤੇ ਰਿਫਰੈਂਡਮ ਲਈ ਸਵਾਲ ਨਿਰਧਾਰਤ ਕਰਨ ਵਿੱਚ ਮਦਦ ਮਿਲੇਗੀ ।

ਸੂਬੇ ਵਿੱਚ ਹੋਏ ਹੁਣ ਤੱਕ ਦੇ ਟਾਊਨ ਹਾਲਾਂ ਵਿੱਚ ਪੈਨਲ ਨੂੰ ਲਗਭਗ ਚੰਗਾ ਹੁੰਗਾਰਾ ਮਿਲਿਆ ਹੈ। ਸੂਬੇ ਦੇ ਕੈਨੇਡਾ ਪੈਸ਼ਨ ਯੋਜਨਾ ਤੋਂ ਬਾਹਰ ਹੋਣ ਅਤੇ ਕੁਝ ਪ੍ਰਵਾਸੀਆਂ ਤੋਂ ਸੋਸ਼ਲ ਸਰਵਿਸ ਨੂੰ ਰੋਕਣ ਵਰਗੇ ਪ੍ਰਸਤਾਵਾਂ ਸਮੇਤ ਬਾਕੀ ਪ੍ਰਸਤਾਵਾਂ ਦਾ ਵੀ ਜ਼ਿਆਦਾਤਰ ਲੋਕਾਂ ਵੱਲੋਂ ਸੁਆਗਤ ਕੀਤਾ ਗਿਆ ਹੈ। ਕੁਝ ਲੋਕਾਂ ਵੱਲੋਂ ਇਸ ਪੈਨਲ ਦੀ ਆਲੋਚਨਾ ਵੀ ਕੀਤੀ ਗਈ ਹੈ।

ਕੁਝ ਲੋਕਾਂ ਨੇ ਪੈਨਲ ‘ਤੇ ਕਈ ਵਾਰ ਵੱਖਵਾਦੀ ਭਾਵਨਾਵਾਂ ਨੂੰ ਭੜਕਾਉਣ ਦੇ ਦੋਸ਼ ਵੀ ਲਾਏ ਹਨ ਅਤੇ ਔਟਵਾ ਤੋਂ ਵੱਖ ਹੋਣ ਸੰਬੰਧੀ ਕੀਤੇ ਜਾ ਰਹੇ ਸਰਵੇਖਣ ਤਰੀਕਿਆਂ ਨੂੰ ਸ਼ੱਕੀ ਮੰਨਿਆ ਹੈ। ਐਲਬਰਟਾ ਨੈਕਸਟ ਪੈਨਲ ਦਾ ਆਖ਼ਰੀ ਟਾਊਨ ਹਾਲ ਇਸ ਮਹੀਨੇ ਦੇ ਅੰਤ ਵਿੱਚ ਕੈਲਗਰੀ ਵਿੱਚ ਹੋਵੇਗਾ ।