9.74C Vancouver 9.74C VancouverJul 7, 2025 4:26 PM - The Canadian Press
ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਐਲਬਰਟਾ ਤੇਲ ਨੂੰ ਬਾਜ਼ਾਰ ਵਿੱਚ ਲਿਆਉਣ ਲਈ ਓਨਟਾਰੀਓ ਸਟੀਲ ਨਾਲ ਬਣੀਆਂ ਨਵੀਆਂ ਪਾਈਪਲਾਈਨਾਂ ਅਤੇ ਰੇਲ ਲਿੰਕਾਂ ਨੂੰ ਉਤਸ਼ਾਹਿਤ ਕਰਨ ਲਈ ਸਮਝੌਤੇ ‘ਤੇ ਦਸਤਖਤ ਕਰ ਦਿੱਤੇ ਹਨ।
ਸੋਮਵਾਰ ਨੂੰ ਹੋਏ ਸਮਝੌਤੇ ਬਾਰੇ ਡੱਗ ਫੋਰਡ ਨੇ ਕਿਹਾ ਕਿ ਥੰਡਰ ਬੇ ਤੋਂ 500 ਕਿਲੋਮੀਟਰ ਉੱਤਰ-ਪੂਰਬ ਵਿੱਚ ਰਿੰਗ ਆਫ਼ ਫਾਇਰ ਵਿੱਚ ਮਾਈਨਿੰਗ ਦੇ ਵਿਕਾਸ ਨੂੰ ਵੀ ਹੁਲਾਰਾ ਮਿਲੇਗਾ।
ਜ਼ਿਕਰਯੋਗ ਹੈ ਕਿ ਪ੍ਰੀਮੀਅਰ ਸਮਿਥ ਤੇ ਪ੍ਰੀਮੀਅਰ ਫੋਰਡ ਐਤਵਾਰ ਨੂੰ ਕੈਲਗਰੀ ਵਿੱਚ ਹੋਈ ਗੋਲਮੇਜ ਕਾਨਫਰੰਸ ਦੌਰਾਨ ਇਕੱਠੇ ਹੋਏ ਸਨ। ਉਸ ਦੌਰਾਨ ਦੋਵਾਂ ਵਿੱਚ ਖਣਿਜਾਂ ਅਤੇ ਊਰਜਾ ਨੂੰ ਨਿਰਯਾਤ ਕਰਨ ਲਈ ਨਵੀਆਂ ਪਾਈਪਲਾਈਨਾਂ ਅਤੇ ਰੇਲ ਲਾਈਨਾਂ ਬਾਰੇ ਚਰਚਾ ਹੋਈ ਸੀ।
ਐਤਵਾਰ ਨੂੰ ਗੋਲਮੇਜ ਕਾਨਫਰੰਸ ਅਤੇ ਡੈਨੀਅਲ ਸਮਿਥ ਨਾਲ ਹੋਈ ਮੁਲਾਕਾਤ ਤੋਂ ਬਾਅਦ ਫੋਰਡ ਨੇ ਐਤਵਾਰ ਨੂੰ ਸ਼ੋਸ਼ਲ ਮੀਡੀਆ ਪੋਸਟ ਰਾਹੀਂ ਇਹ ਕਿਹਾ ਸੀ ਕਿ ਆਪਣੇ ਸਰੋਤਾਂ ਨੂੰ ਨਵੇਂ ਬਜ਼ਾਰਾਂ ਤੱਕ ਪਹੁੰਚਾ ਕੇ ਕੈਨੇਡਾ ਦੇ ਕਾਮਿਆਂ ਨੂੰ ਟੈਰਿਫ ਅਤੇ ਆਰਥਿਕ ਅਨਿਸ਼ਚਤਤਾ ਤੋਂ ਬਚਾਇਆ ਜਾ ਸਕਦਾ ਹੈ।
