13.36C Vancouver 13.36C VancouverNov 12, 2025 5:02 PM - Connect Newsroom - Ramandeep Kaur with files from The Canadian Press
ਪੀ.ਐਮ.ਮਾਰਕ ਕਾਰਨੀ ਸੋਮਵਾਰ ਨੂੰ ਪ੍ਰੀਮੀਅਰਜ਼ ਨਾਲ ਵਰਚੁਅਲ ਮੀਟਿੰਗ ਕਰਨਗੇ, ਜੋ ਕਾਫੀ ਮਹੱਤਵਪੂਰਨ ਰਹਿਣ ਵਾਲੀ ਹੈ। ਇਸ ਬੈਠਕ ਲਈ ਪ੍ਰੀਮੀਅਰਜ਼ ਨੇ ਚਰਚਾ ਲਈ ਆਪਣੀਆਂ ਮੰਗਾਂ ਵਿਚ ਇਨਫਰਾਸਟਕਚਰ ਇਨਵੈਸਟਮੈਂਟ ਅਤੇ ਅਮਰੀਕਾ-ਕੈਨੇਡਾ ਵਿਚਕਾਰ ਵਪਾਰ ਗੱਲਬਾਤ ਬਾਰੇ ਅਪਡੇਟ ਨੂੰ ਸਭ ਤੋਂ ਵੱਧ ਤਰਜੀਹ ਦੱਸਿਆ ਹੈ।
ਪ੍ਰਧਾਨ ਮੰਤਰੀ ਨੂੰ ਲਿਖੇ ਪੱਤਰ ਵਿਚ ਪ੍ਰੀਮੀਅਰਜ਼ ਨੇ ਬਦਲਦੇ ਵਿਸ਼ਵ ਆਰਥਿਕ ਵਾਤਾਵਰਣ ਦਾ ਹਵਾਲਾ ਦਿੰਦੇ ਹੋਏ ਚੀਨ ਅਤੇ ਭਾਰਤ ਨਾਲ ਵਪਾਰ ਸਬੰਧਾਂ 'ਤੇ ਵੀ ਚਰਚਾ ਕਰਨ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਪੱਤਰ ਵਿਚ ਕਿਹਾ ਹੈ ਕਿ ਜੁਲਾਈ ਵਿਚ ਹੋਈ ਪਿਛਲੀ ਮੀਟਿੰਗ ਤੋਂ ਬਾਅਦ ਕੈਨੇਡਾ ਦੇ ਅਮਰੀਕਾ ਨਾਲ ਵਪਾਰ ਸੰਬੰਧਾਂ ਵਿਚ ਕਾਫ਼ੀ ਬਦਲਾਅ ਆਇਆ ਹੈ ਅਤੇ ਸੂਬਿਆਂ ਨੂੰ ਤਾਜ਼ਾ ਸਥਿਤੀ ਬਾਰੇ ਜਾਣਕਾਰੀ ਮਿਲਦੀ ਰਹਿਣੀ ਚਾਹੀਦੀ ਹੈ।
ਇਸ ਤੋਂ ਇਲਾਵਾ ਪ੍ਰੀਮੀਅਰਜ਼ ਫੈਡਰਲ ਇਨਫਰਾਸਟਕਚਰ ਫਡਿੰਗ 'ਤੇ ਸਪੱਸ਼ਟਤਾ ਚਾਹੁੰਦੇ ਹਨ। ਇਹ ਉਸ ਸਮੇਂ ਆਇਆ ਹੈ ਜਦੋਂ ਪ੍ਰਧਾਨ ਮੰਤਰੀ ਬਾਏ ਕੈਨੇਡੀਅਨ ਪੌਲਿਸੀ 'ਤੇ ਫੋਕਸ ਕਰਦੇ ਹੋਏ ਡੋਮੈਸਟਿਕ ਸਪਲਾਇਰ ਨੂੰ ਤਰਜੀਹ ਦੇਣ ਵਾਲੇ ਅਗਲੇ ਮੇਜਰ ਪ੍ਰਾਜੈਕਟ ਦੀ ਸੂਚੀ ਦਾ ਐਲਾਨ ਕਰਨ ਜਾ ਰਹੇ ਹਨ। ਗੌਰਤਲਬ ਹੈ ਕਿ ਕੈਨੇਡਾ ਆਪਣੇ ਵਪਾਰ ਬਾਜ਼ਾਰਾਂ ਨੂੰ diversify ਕਰਨ ਲਈ ਲਗਾਤਾਰ ਕੋਸ਼ਿਸ਼ਾਂ ਕਰ ਰਿਹਾ ਹੈ।
