13.29C Vancouver 13.29C VancouverNov 20, 2020 1:27 AM -
ਅਮਰੀਕਾ 'ਚ ਪ੍ਰੈਜ਼ੀਡੈਂਟ ਇਲੈਕਟ ਜੋ ਬਾਈਡਨ ਦੀ ਡੈਲਾਵੇਅਰ 'ਚ ਹਾਊਸ ਸਪੀਕਰ ਨੈਨਸੀ ਪੈਲੋਸੀ ਅਤੇ ਸੈਨੇਟ ਡੈਮੋਕ੍ਰੈਟਿਕ ਲੀਡਰ ਚੱਕ ਸਕੁਮਰ ਨਾਲ ਮੁਲਾਕਾਤ ਹੋਣ ਜਾ ਰਹੀ ਹੈ।
ਬਾਈਡਨ ਦੀ ਟ੍ਰਾਂਜ਼ਿਸ਼ਨ ਟੀਮ ਦਾ ਕਹਿਣਾ ਹੈ ਕਿ ਪੈਲੋਸੀ ਅਤੇ ਸਕੁਮਰ ਸ਼ੁੱਕਰਵਾਰ ਨੂੰ ਵਿਲਮਿੰਗਟਨ ਪਹੁੰਚ ਰਹੇ ਹਨ।
ਅਧਿਕਾਰੀ ਨੇ ਇੰਟਰਨਲ ਪਲੈਨਿੰਗ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਹੈ।
ਬਾਈਡਨ ਨੇ ਬੀਤੇ ਹਫ਼ਤੇ ਦੋਵਾਂ ਨਾਲ ਫੋਨ 'ਤੇ ਗੱਲਬਾਤ ਕੀਤੀ ਸੀ।
ਇਸ ਦੌਰਾਨ ਪੈਂਡੇਮਿਕ ਦੇ ਖਰਾਬ ਹੁੰਦੇ ਹਾਲਾਤ ਅਤੇ ਕੋਵਿਡ-19 ਰਿਲੀਫ ਬਿੱਲ ਬਾਰੇ ਚਰਚਾ ਕੀਤੀ ਗਈ ਸੀ।
ਯਾਦ ਰਹੇ ਟ੍ਰੰਪ ਪ੍ਰਸ਼ਾਸਨ ਵੱਲੋਂ ਬਾਈਡਨ ਟੀਮ ਨੂੰ ਅਧਿਕਾਰਿਤ ਇੰਟੈਲੀਜੈਂਸ ਬ੍ਰੀਫਿੰਗ ਤੋਂ ਰੋਕਿਆ ਜਾ ਰਿਹਾ ਹੈ, ਜੋ ਕਿ ਆਮ ਤੌਰ 'ਤੇ ਅਗਲੇ ਬਣਦੇ ਰਾਸ਼ਟਰਪਤੀ ਲਈ ਉਪਲਬਧ ਹੁੰਦੀ ਹੈ।
ਬਾਈਡਨ ਨੂੰ ਕੋਰੋਨਾ ਵਾਇਰਸ ਰਿਸਪਾਂਸ ਟੀਮ ਨਾਲ ਵੀ ਤਾਲਮੇਲ ਤੋਂ ਰੋਕਿਆ ਹੋਇਆ ਹੈ।
