17.54C Vancouver 17.54C VancouverJan 14, 2025 5:15 PM - Connect Newsroom
ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡੇਨ ਨੇ ਸੋਮਵਾਰ ਨੂੰ ਵਾਸ਼ਿੰਗਟਨ ਵਿਚ ਵਿਦੇਸ਼ ਨੀਤੀ ’ਤੇ ਆਪਣਾ ਆਖਰੀ ਭਾਸ਼ਣ ਦਿੱਤਾ। ਬਾਈਡੇਨ ਨੇ ਇਸ ਦੌਰਾਨ ਕਿਹਾ ਕਿ ਚੀਨ ਕਦੇ ਵੀ ਅਮਰੀਕਾ ਤੋਂ ਅੱਗੇ ਨਹੀਂ ਨਿਕਲ ਸਕੇਗਾ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਅਫਗਾਨਿਸਤਾਨ ਵਿਚ ਯੁੱਧ ਖ਼ਤਮ ਕਰਨ ਦੇ ਆਪਣੇ ਫੈਸਲੇ ਨੂੰ ਸਹੀ ਠਹਿਰਾਇਆ,ਬਾਈਡੇਨ ਨੇ ਕਿਹਾ ਕਿ ਇੱਕ ਸਮੇਂ ਮਾਹਰ ਇਹ ਅਨੁਮਾਨ ਲਗਾ ਰਹੇ ਸੀ ਕਿ ਚੀਨ ਦੀ ਆਰਥਿਕਤਾ ਅਮਰੀਕਾ ਨੂੰ ਪਛਾੜ ਦੇਵੇਗੀ, ਜਦੋਂ ਕਿ ਹੁਣ ਮੰਨਿਆ ਜਾ ਰਿਹਾ ਹੈ ਕਿ ਚੀਨ ਜਿਸ ਰਸਤੇ ’ਤੇ ਹੈ ਉਹ ਅਮਰੀਕਾ ਤੋਂ ਕਦੇ ਅੱਗੇ ਨਹੀਂ ਨਿਕਲ ਸਕੇਗਾ।
ਬਾਈਡੇਨ ਨੇ ਆਪਣੀ ਸਪੀਚ ਵਿਚ ਰੂਸ-ਯੂਕਰੇਨ ਯੁੱਧ, ਗਾਜ਼ਾ ਦੀ ਜੰਗ, ਚੀਨ ਅਤੇ ਈਰਾਨ ਸਮੇਤ ਕਈ ਮੁੱਦਿਆਂ ’ਤੇ ਗੱਲ ਕੀਤੀ।
ਹਾਲਾਂਕਿ, ਪੂਰੀ ਸਪੀਚ ਵਿਚ ਉਹਨਾਂ ਡੋਨਲਡ ਟਰੰਪ ਦਾ ਇੱਕ ਵਾਰ ਵੀ ਨਾਮ ਨਹੀਂ ਲਿਆ, ਉਥੇ ਹੀ ਕੱਲ ਉਹ ਓਵਲ ਦਫ਼ਤਰ ਤੋਂ ਰਾਸ਼ਟਰ ਦੇ ਨਾਮ ਆਪਣੀ ਵਿਦਾਈ ਸਪੀਚ ਦੇਣਗੇ ਅਤੇ ਟਰੰਪ 20 ਜਨਵਰੀ ਨੂੰ 47ਵੇਂ ਰਾਸ਼ਟਰਪਤੀ ਵਜੋਂ ਹਲਫ ਲੈਣਗੇ।
