10.83C Vancouver 10.83C VancouverJan 21, 2021 1:46 AM -
ਰਾਸ਼ਟਰਪਤੀ ਜੋ ਬਾਈਡਨ ਨੇ ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਆਪਣਾ ਕੰਮ ਸੰਭਾਲ ਲਿਆ ਹੈ।
ਉਨ੍ਹਾਂ ਓਵਲ ਆਫਿਸ 'ਚ ਕਈ ਐਗਜ਼ੀਕਿਊਟਿਵ ਆਰਡਰਾਂ 'ਤੇ ਹਸਤਾਖਰ ਕੀਤੇ।
ਰੈਜ਼ੋਲਿਊਟ ਡੈਸਕ ਦੇ ਪਿੱਛੇ ਬੈਠੇ ਬਾਈਡਨ ਨੇ ਇਸ ਮੌਕੇ ਮਾਸਕ ਪਹਿਨਿਆ ਹੋਇਆ ਸੀ।
ਉਨ੍ਹਾਂ ਕਿਹਾ ਕਿ 'ਅੱਜ ਵਾਂਗ ਕੰਮ ਸ਼ੁਰੂ ਕਰਨ ਦਾ ਹੋਰ ਕੋਈ ਸਮਾਂ ਨਹੀਂ ਹੋ ਸਕਦਾ।"
ਬਾਈਡਨ ਨੇ ਜਿਸ ਪਹਿਲੇ ਆਰਡਰ 'ਤੇ ਹਸਤਾਖਰ ਕੀਤੇ ਉਹ ਕੋਰੋਨਾ ਵਾਇਰਸ ਪੈਂਡੈਮਿਕ ਨਾਲ ਸੰਬੰਧਤ ਸੀ।
ਉਨ੍ਹਾਂ ਅਮਰੀਕਾ ਨੂੰ 'ਪੈਰਿਸ ਕਲਾਈਮੇਟ ਅਕੌਰਡ' ਨਾਲ ਜੋੜਨ ਸੰਬੰਧੀ ਵੀ ਹਸਤਾਖਰ ਕੀਤੇ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਡੌਨਲਡ ਟ੍ਰੰਪ ਨੇ ਉਨ੍ਹਾਂ ਲਈ ਇੱਕ ਚਿੱਠੀ ਲਿਖੀ ਹੈ।
ਪਰ ਉਨ੍ਹਾਂ ਕਿਹਾ ਕਿ ਟ੍ਰੰਪ ਨਾਲ ਗੱਲ ਕਰਨ ਤੋਂ ਪਹਿਲਾਂ, ਉਹ ਇਸ ਨੂੰ ਜਨਤਕ ਨਹੀਂ ਕਰਨਗੇ।
ਬਾਈਡਨ ਨੇ ਉਸ ਬਾਈਬਲ ਤੋਂ ਚੁੱਕੀ ਸਹੁੰ ਜੋ 1893 ਤੋਂ ਹੈ ਪਰਿਵਾਰ ਦੇ ਕੋਲ
ਜੋ ਬਾਈਡਨ ਨੇ ਅਮਰੀਕਾ ਦੇ 46ਵੇਂ ਰਾਸ਼ਟਰਪਤੀ ਵਜੋਂ ਸਹੁੰ ਚੁੱਕੀ ਹੈ।
ਯੂ.ਐਸ. ਕੈਪੀਟਲ 'ਚ ਸਹੁੰ ਚੁੱਕ ਸਮਾਗਮ ਹੋਏ।
ਯੂ.ਐਸ. ਸੁਪ੍ਰੀਮ ਕੋਰਟ ਜਸਟਿਸ, ਜੌਨ ਰੌਬਰਟਸ ਨੇ ਬਾਈਡਨ ਨੂੰ ਸਹੁੰ ਚੁਕਾਈ।
ਬਾਈਡਨ ਨੇ ਅੱਜ ਉਸ ਬਾਈਬਲ ਤੋਂ ਸਹੁੰ ਚੁੱਕੀ ਜੋ ਉਨ੍ਹਾਂ ਦੇ ਪਰਿਵਾਰ 'ਚ ਸਾਲ 1893 ਤੋਂ ਰਹੀ ਹੈ।
ਸਾਲ 2009 ਅਤੇ 2013 'ਚ ਉਨ੍ਹਾਂ ਵਾਈਸ ਪ੍ਰੈਜ਼ੀਡੈਂਟ ਵਜੋਂ ਸਹੁੰ ਵੀ ਇਸੇ ਬਾਈਬਲ ਤੋਂ ਚੁੱਕੀ ਸੀ।
ਜਾਣਕਾਰੀ ਅਨੁਸਾਰ ਬਾਈਡਨ ਦੇ ਸੁਰਗ ਸਿਧਾਰ ਚੁੱਕੇ ਪੁੱਤਰ 'ਬੋ' ਨੇ ਵੀ ਇਸੇ ਬਾਈਬਲ ਤੋਂ ਡੈਲਾਵੇਅਰ ਦੇ ਅਟੌਰਨੀ ਜਨਰਲ ਵਜੋਂ ਸਹੁੰ ਚੁੱਕੀ ਸੀ।
ਰਾਸ਼ਟਰਪਤੀ ਵਜੋਂ ਸਹੁੰ ਚੁੱਕਣ ਤੋਂ ਬਾਅਦ ਆਪਣੇ ਪਹਿਲੇ ਸ਼ਬਦਾਂ 'ਚ ਬਾਈਡਨ ਨੇ ਕਿਹਾ, "ਇਹ ਦਿਨ ਇਤਿਹਾਸਿਕ ਅਤੇ ਨਵੀਂ ਉਮੀਦ ਭਰਿਆ ਹੈ।"
ਉਨ੍ਹਾਂ ਕਿਹਾ ਕਿ ਦੇਸ਼ ਇੱਕ ਵਾਰ ਫਿਰ ਜਾਣ ਗਿਆ ਹੈ ਕਿ, ਲੋਕਤੰਤਰ ਬੇਹੱਦ ਅਹਿਮ ਹੈ।
