ਭਾਰਤ ਦੇ ਸਦਰ ਨੇ ਗਣਤੰਤਰ ਦਿਹਾੜੇ 'ਤੇ ਹੋਈ ਹਿੰਸਾ ਦੀ ਕੀਤੀ ਨਿਖੇਧੀ, ਕਿਹਾ 'ਨਿਯਮਾਂ ਦੀ ਪਾਲਣਾ ਗੰਭੀਰਤਾ ਨਾਲ ਹੋਵੇ'

ਭਾਰਤ ਦੇ ਸਦਰ ਰਾਮਨਾਥ ਕੋਵਿੰਦ ਨੇ ਅੱਜ ਗਣਤੰਤਰ ਦਿਹਾੜੇ ਮੌਕੇ ਕਿਸਾਨਾਂ ਵੱਲੋਂ ਕੀਤੀ ਗਈ ਟ੍ਰੈਕਟਰ ਰੈਲੀ 'ਚ ਹੋਈ ਹਿੰਸਾ 'ਤੇ ਆਪਣਾ ਗੁੱਸਾ ਜ਼ਾਹਿਰ ਕੀਤਾ|

ਪਾਰਲੀਮੈਂਟ ਦੇ ਦੋਵਾਂ ਸਦਨਾਂ ਦੀ ਸਾਂਝੀ ਬੈਠਕ ਨੂੰ ਸੰਬੋਧਨ ਕਰਦਿਆਂ ਸਦਰ ਕੋਵਿੰਦ ਨੇ ਆਖਿਆ ਕਿ ਬੀਤੇ ਕੁਝ ਦਿਨ ਪਹਿਲਾਂ ਕੌਮੀ ਦਿਨ ਅਤੇ ਕੌਮੀ ਝੰਡੇ ਦੀ ਹੋਈ ਬੇਇਜ਼ਤੀ ਬਾਰੇ ਗੱਲ ਕੀਤੀ ਅਤੇ ਆਖਿਆ ਕਿ ਜਦੋ ਸੰਵਿਧਾਨ ਸਭਨੂੰ ਵਿਚਾਰਾਂ ਦੇ ਪ੍ਰਗਟਾਵੇ ਦੀ ਆਜ਼ਾਦੀ ਦਿੰਦਾ ਹੈ, ਤਾਂ ਇਹ ਲੋਕਾਂ ਨੂੰ ਗੰਭੀਰਤਾ ਨਾਲ ਨਿਯਮਾਂ ਦੀ ਪਾਲਣਾ ਕਰਨ ਲਈ ਵੀ ਆਖਦਾ ਹੈ|

ਉਨ੍ਹਾਂ ਆਖਿਆ, " ਬੀਤੇ ਦਿਨਾਂ 'ਚ ਕੌਮੀ ਝੰਡੇ ਅਤੇ ਗਣਤੰਤਰ ਦਿਹਾੜੇ ਵਰਗੇ ਪਵਿੱਤਰ ਦਿਨ ਦਾ ਅਪਮਾਨ ਹੋਇਆ ਹੈ| ਜੋ ਸੰਵਿਧਾਨ ਸਾਨੂੰ ਵਿਚਾਰਾਂ ਦੇ ਪ੍ਰਗਟਾਵੇ ਦੀ ਆਜ਼ਾਦੀ ਦਿੰਦਾ ਹੈ, ਉਹ ਸਾਨੂੰ ਉਨ੍ਹਾਂ ਈ ਨਿਯਮਾਂ ਦੀ ਗੰਭੀਰਤਾ ਨਾਲ ਪਾਲਣਾ ਕਰਨਾ ਵੀ ਸਿਖਾਉਂਦਾ ਹੈ|"

26 ਜਨਵਰੀ ਨੂੰ ਪ੍ਰਦਰਸ਼ਨਕਾਰੀਆਂ ਵੱਲੋਂ ਦਿੱਲੀ 'ਚ ਦਾਖਲ ਹੋਣ ਲਈ ਬੈਰੀਕੇਡ ਤੋੜੇ ਗਏ ਅਤੇ ਕੌਮੀ ਰਾਜਧਾਨੀ ਦੇ ਕਈ ਹਿੱਸਿਆਂ 'ਚ ਆਪਣੀ ਟ੍ਰੈਕਟਰ ਰੈਲੀ ਦੌਰਾਨ, ਜੋ ਕਿ ਤਿੰਨ ਨਵੇਂ ਖੇਤੀ ਕਾਨੂੰਨਾਂ ਨੂੰ ਲੈਕੇ ਕੀਤੀ ਗਈ ਸੀ, ਗੁੰਡਾਗਰਦੀ ਕੀਤੀ|

ਇਸ ਸਾਂਝੇ ਇਜਲਾਸ ਦੌਰਾਨ ਸਦਰ ਕੋਵਿੰਦ ਨੇ ਕੋਵਿਡ-19 ਕਰਕੇ ਮਾਰੇ ਗਏ ਲੋਕਾਂ ਨੂੰ ਸ਼ਰਧਾਂਜਲੀ ਦਿੱਤੀ|

ਉਨ੍ਹਾਂ ਕੇਂਦਰ ਸਰਕਾਰ ਦੇ 'ਸਹੀ ਸਮੇਂ' 'ਤੇ ਕੋਵਿਡ-19 ਨੂੰ ਲੈਕੇ ਲਏ ਗਏ ਫ਼ੈਸਲੇ ਦੀ ਵੀ ਸ਼ਲਾਘਾ ਕੀਤੀ, ਜਿਸ ਕਰਕੇ ਲੱਖਾਂ ਹੀ ਨਾਗਰਿਕਾਂ ਦੀਆਂ ਜਾਨਾਂ ਬਚਾਈਆਂ ਜਾ ਸਕੀਆਂ ਅਤੇ ਮੁਲਕ 'ਚ ਕੋਰੋਨਾਵਾਇਰਸ ਦੇ ਤੇਜ਼ੀ ਨਾਲ ਘਟਦੇ ਮਾਮਲਿਆਂ ਦਾ ਵੀ ਜ਼ਿਕਰ ਕੀਤਾ|

ਦੱਸਣਯੋਗ ਹੈ ਕਿ ਬਜਟ ਦਾ ਪਹਿਲਾ ਇਜਲਾਸ 15 ਫਰਵਰੀ ਤੱਕ ਚੱਲੇਗਾ|

ਦੂਜਾ ਇਜਲਾਸ 8 ਮਾਰਚ ਤੋਂ 8 ਅਪ੍ਰੈਲ ਤੱਕ ਚੱਲੇਗਾ|

ਰਾਜ ਸਭ ਕੰਮ ਸਵੇਰੇ 9 ਵਜੇ ਤੋਂ 2 ਵਜੇ ਤੱਕ ਅਤੇ ਲੋਕ ਸਭਾ ਦਾ ਕੱਮ ਸ਼ਾਮੀ 4 ਵਜੇ ਤੋਂ ਰਾਤ 9 ਵਜੇ ਤੱਕ ਸਿਫ਼ਰ ਕਾਲ ਅਤੇ ਸਵਾਲ ਕਾਲ ਮਿਲਾ ਕੇ ਹੋਵੇਗਾ|