ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਘਿਰੇ ਨਵੇਂ ਵਿਵਾਦ ’ਚ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਵੇਂ ਵਿਵਾਦ ਵਿਚ ਘਿਰ ਗਏ ਹਨ। ਵਿਰੋਧੀ ਪਾਰਟੀ ਦੇ ਲੀਡਰ ਪੀਅਰੇ ਪੋਲੀਵਰੇ ਨੇ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਡੀਮੀਰ ਜ਼ੇਲੇਨਸਕੀ ਦੇ ਕੈਨੇਡਾ ਦੌਰੇ ਦੌਰਾਨ ਸੱਦੇ ਗਏ ਨਾਜ਼ੀ ਸੈਨਿਕ ਯਾਰੋਸਲਾਵ ਹੰਕਾ ਨੂੰ ਲੈ ਕੇ ਟਰੂਡੋ ’ਤੇ ਵੱਡਾ ਹਮਲਾ ਬੋਲਿਆ ਹੈ।

ਪੋਲੀਵਰੇ ਨੇ ਕਿਹਾ ਜਸਟਿਨ ਟਰੂਡੋ ਕਈ ਮਹੀਨਿਆਂ ਤੋਂ ਇਹੀ ਕਹਿ ਰਹੇ ਸੀ ਕਿ ਹੰਕਾ ਨੂੰ ਸੱਦਾ ਦੇਣ ਲਈ ਸਿਰਫ ਸਪੀਕਰ ਐਂਥਨੀ ਰੋਟਾ ਜ਼ਿੰਮੇਵਾਰ ਸਨ ਪਰ ਹੁਣ ਇਹ ਗੱਲ ਸਾਹਮਣੇ ਆ ਗਈ ਹੈ ਕਿ ਟਰੂਡੋ ਦੇ ਦਫਤਰ ਨੇ ਹਿਟਲਰ ਦੇ ਸਾਬਕਾ ਸੈਨਿਕ ਨੂੰ ਯੂਕਰੇਨ ਦੇ ਰਾਸ਼ਟਰਪਤੀ ਦੇ ਦੌਰੇ ਦੌਰਾਨ ਸੱਦਾ ਦਿੱਤਾ ਸੀ।

ਜ਼ੇਲੇਨਸਕੀ ਪਿਛਲੇ ਸਾਲ ਸਤੰਬਰ ਵਿਚ ਕੈਨੇਡਾ ਆਏ ਸਨ ਅਤੇ ਇਸ ਦੌਰਾਨ ਉਨ੍ਹਾਂ ਹਾਊਸ ਆਫ ਕਾਮਨਜ਼ ਨੂੰ ਵੀ ਸੰਬੋਧਨ ਕੀਤਾ ਸੀ। ਹਿਟਲਰ ਦੀ ਫੌਜ ਦਾ ਸਾਬਕਾ ਸੈਨਿਕ ਯਾਰੋਸਲਾਵ ਹੰਕਾ ਉਸ ਸਮੇਂ ਵਿਸ਼ੇਸ਼ ਮਹਿਮਾਨ ਵਜੋਂ ਸਦਨ ਵਿਚ ਸੱਦਿਆ ਸੀ।

ਹਾਲਾਂਕਿ, ਉਸ ਦੌਰਾਨ ਤੱਕ ਹੰਕਾ ਦੇ ਬੈਂਕਗ੍ਰਾਊਂਡ ਦਾ ਪਤਾ ਨਹੀਂ ਸੀ ਪਰ ਜਿਵੇਂ ਹੀ ਇਸ ਦਾ ਪਤਾ ਲੱਗਾ ਤਾਂ ਸਪੀਕਰ ਹੰਕਾ ਇਸ ਦੀ ਜ਼ਿੰਮੇਵਾਰੀ ਲੈਂਦੇ ਹੋਏ ਅਹੁਦੇ ਤੋਂ ਫਾਰਗ ਹੋ ਗਏ ਸਨ।

ਹੁਣ ਨਵਾਂ ਵਿਵਾਦ ਇਹ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਲੋਂ ਜ਼ੇਲੇਨਸਕੀ ਦੀ ਕੈਨੇਡਾ ਫੇਰੀ ਦੌਰਾਨ ਟੋਰਾਂਟੋ ਵਿਚ ਦਿੱਤੀ ਗਈ ਰਿਸੈਪਸ਼ਨ ਵਿਚ ਵੀ ਹੰਕਾ ਨੂੰ ਸ਼ਾਮਲ ਹੋਣ ਲਈ ਸੱਦਾ ਦਿੱਤਾ ਗਿਆ ਸੀ। ਇਹ ਸੱਦਾ ਟਰੂਡੋ ਦੇ ਬੀਹਾਫ਼ ’ਤੇ ਕੈਨੇਡਾ ਦੇ ਪ੍ਰੋਟੋਕੋਲ ਦੇ ਦਫ਼ਤਰ ਤਹਿਤ ਭੇਜਿਆ ਗਿਆ ਸੀ।