ਟਰੂਡੋ ਪਰਿਵਾਰਕ ਦੋਸਤ ਪੀਟਰ ਗ੍ਰੀਨ ਦੇ ਅੰਤਿਮ ਸੰਸਕਾਰ ਲਈ ਬਰਮੂਡਾ ਹੋਏ ਰਵਾਨਾ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਬਰਮੂਡਾ ਵਿਚ ਆਪਣੇ ਪਰਿਵਾਰਕ ਦੋਸਤ ਪੀਟਰ ਗ੍ਰੀਨ ਦੇ ਅੰਤਿਮ ਸੰਸਕਾਰ ਵਿਚ ਨਿੱਜੀ ਤੌਰ ’ਤੇ ਸ਼ਰਧਾਂਜਲੀ ਦੇਣ ਲਈ ਰਵਾਨਾ ਹੋਏ ਹਨ। ਰਿਪੋਰਟਸ ਮੁਤਾਬਕ, ਪੀਟਰ ਗ੍ਰੀਨ ਉਹੀ ਕਾਰੋਬਾਰੀ ਹਨ, ਜਿਸ ਦੇ ਜਮਾਇਕਾ ਸਥਿਤ ਲਗਜ਼ਰੀ ਅਸਟੇਟ ਵਿਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਛੁੱਟੀਆਂ ਮਨਾਉਣ ਦੌਰਾਨ ਮੁਫਤ ਵਿਚ ਠਹਿਰੇ ਸਨ।

ਟਰੂਡੋ ਦੇ ਜਮਾਇਕਾ ਵਿਚ ਛੁੱਟੀਆਂ ਮਨਾਉਣ ਨੂੰ ਲੈ ਕੇ ਕਾਫ਼ੀ ਵਿਵਾਦ ਹੋਇਆ ਸੀ। ਵਿਰੋਧੀ ਧਿਰ ਨੇ ਉਨ੍ਹਾਂ ਦੇ ਇਸ ਲਗਜ਼ਰੀ ਰਿਜੋਰਟ ਵਿਚ ਫਰੀ ਵਿਚ ਠਹਿਰਣ ਦੀ ਜਾਂਚ ਕਰਨ ਦੀ ਮੰਗ ਕੀਤੀ ਸੀ ਪਰ ਪਾਰਲੀਮੈਂਟ ਦੇ ਨੈਤਿਕਤਾ ਦੇ ਨਿਗਰਾਨ ਨੇ ਜਾਂਚ ਤੋਂ ਇਨਕਾਰ ਕਰ ਦਿੱਤਾ ਕਿਉਂਕਿ ਇਹ ਸਾਹਮਣੇ ਆਇਆ ਕਿ ਟਰੂਡੋ ਅਤੇ ਪੀਟਰ ਗ੍ਰੀਨ ਦੋਵੇਂ ਅਸਲ ਵਿਚ ਨਜ਼ਦੀਕੀ ਦੋਸਤ ਸਨ।

ਟਰੂਡੋ ਦੇ ਪਿਤਾ ਵੀ ਪ੍ਰਧਾਨ ਮੰਤਰੀ ਰਹਿੰਦੇ ਹੋਏ ਇਸੇ ਰਿਜ਼ਾਰਟ ਵਿਚ ਰੁਕਣ ਨੂੰ ਲੈ ਕੇ ਸੁਰਖੀਆਂ ਵਿਚ ਆਏ ਸਨ। ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਕਿਹਾ ਕਿ ਟਰੂਡੋ ਅੱਜ ਹੀ ਔਟਵਾ ਵਾਪਸ ਆ ਜਾਣਗੇ।