8.15C Vancouver 8.15C VancouverMay 18, 2022 9:51 PM - The Canadian Press
ਡਚੈਸ ਆਫ ਕੌਰਨਵਾਲ ਨੇ ਅੱਜ ਔਟਵਾ ਦੇ ਇੱਕ ਸਕੂਲ 'ਚ ਵਿਦਿਆਰਥੀਆਂ ਸਾਹਮਣੇ ਇੱਕ ਕਿਤਾਬ ਪੜ੍ਹ ਕੇ ਸੁਣਾਈ।
ਉਹ ਅਤੇ ਉਨ੍ਹਾਂ ਦੇ ਪਤੀ ਪ੍ਰਿੰਸ ਚਾਰਲਸ ਅੱਜ ਸਕੂਲ 'ਚ ਮਾਪਿਆਂ ਨਾਲ ਮੁਲਾਕਾਤ ਕਰਦੇ ਵੀ ਵਿਖਾਈ ਦਿੱਤੇ।
ਰਾਇਲ ਜੋੜਾ ਅੱਜ ਸ਼ਹਿਰ ਦੇ ਪ੍ਰਸਿੱਧ ਬਾਈਵਾਰਡ ਮਾਰਕਿਟ 'ਚ ਟਹਿਲਦੇ ਵੀ ਵੇਖੇ ਗਏ।
ਇਸ ਤੋਂ ਪਹਿਲਾਂ ਅੱਜ ਸਵੇਰ ਦੇ ਸਮੇਂ ਰਾਇਲ ਜੋੜੇ ਨੇ ਇੱਕ ਯੁਕ੍ਰੇਨੀਅਨ ਔਰਥੋਡੌਕਸ ਕਥੈਡਰਲ 'ਚ ਪ੍ਰਾਰਥਨਾ 'ਚ ਹਿੱਸਾ ਲਿਆ।
ਇਸ ਮੌਕੇ ਪ੍ਰੀਸਟ ਦਾ ਕਹਿਣਾ ਸੀ ਕਿ ਰਾਇਲ ਜੋੜੇ ਦਾ ਪਹੁੰਚਣਾ ਗ੍ਰੇਟ ਬ੍ਰਿਟੇਨ ਅਤੇ ਰਾਇਲ ਪਰਿਵਾਰ ਦੀ ਯੂਕਰੇਨ ਪ੍ਰਤੀ ਵਿਖਾਏ ਸਹਿਯੋਗ ਦਾ ਹਿੱਸਾ ਹੈ।
ਇਸ ਤੋਂ ਬਾਅਦ ਦੁਪਹਿਰ ਦੇ ਸਮੇਂ ਰਾਇਲ ਜੋੜੇ ਨੇ ਇੱਕ ਆਰ.ਸੀ.ਐਮ.ਪੀ. ਮਿਊਜੀਕਲ ਰਾਈਡ 'ਚ ਵੀ ਹਿੱਸਾ ਲਿਆ।
ਇਸ ਦੇ ਨਾਲ ਹੀ ਅੱਜ ਸਵੇਰ ਦੇ ਸਮੇਂ ਰਿਡੋ ਹਾਲ 'ਚ ਹੋਏ ਇੱਕ ਸਮਾਗਮ ਦੌਰਾਨ ਪ੍ਰਿੰਸ ਚਾਰਲਸ ਨੂੰ ਗਵਰਨਰ ਜਨਰਲ ਮੈਰੀ ਸਾਈਮਨ ਨੇ ਆਰਡਰ ਆਫ ਮਿਲਟਰੀ ਮੈਰਿਟ ਨਾਲ ਸਨਮਾਨ ਕੀਤਾ।
