16.17C Vancouver 16.17C VancouverAug 24, 2022 12:14 AM - Connect News
ਸੋਮਵਾਰ ਨੂੰ ਪ੍ਰਿੰਸ ਜੌਰਜ 'ਚ ਵਾਪਰੀ ਪੁਲਿਸ ਸੰਬੰਧੀ ਗੋਲੀ ਚੱਲਣ ਦੀ ਘਟਨਾ 'ਚ 2 ਲੋਕਾਂ 'ਤੇ ਦੋਸ਼ ਤੈਅ ਕੀਤੇ ਗਏ ਹਨ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਦੀ ਪਛਾਣ 22 ਸਾਲਾ ਦਿਲਮੀਤ ਸਿੰਘ ਚਾਹਲ ਅਤੇ 21 ਸਾਲਾ ਜਕਾਰੀਆ ਬੈਂਜਮਿਨ ਆਥੀਆ ਵਜੋਂ ਕੀਤੀ ਗਈ ਹੈ।
ਮਾਮਲੇ 'ਚ ਦਿਲਮੀਤ ਸਿੰਘ ਚਾਹਲ 'ਤੇ ਕੰਵੇਐਂਸ ਦੇ ਖਤਰਨਾਕ ਆਪ੍ਰੇਸ਼ਨ, ਪੁਲਿਸ ਅਫ਼ਸਰ ਦੇ ਪਿੱਛਾ ਕਰਨ ਦੇ ਬਾਵਜੂਦ ਭੱਜਣ ਦੀ ਕੋਸ਼ਿਸ਼, ਪ੍ਰੋਹਿਬਟਿਡ ਜਾਂ ਰਿਸਟ੍ਰਿਕਟਿਡ ਬੰਦੂਕ ਅਤੇ ਅਸਲੇ ਨੂੰ ਰੱਖਣ, ਮੋਟਰ ਵਾਹਨ 'ਚ ਗੈਰਅਧਿਕਾਰਿਤ ਫਾਇਰਆਰਮ ਰੱਖਣ ਅਤੇ ਪੁਲਿਸ ਨੂੰ ਅੜਿੱਕੇ ਪੇਸ਼ ਕਰਨ ਦੇ ਦੋਸ਼ ਤੈਅ ਕੀਤੇ ਗਏ ਹਨ।
ਉਧਰ ਜਕਾਰੀਆ ਬੈਂਜਾਮਿਨ ਆਥੀਆ 'ਤੇ ਪ੍ਰੋਹਿਬਟਿਡ ਜਾਂ ਰਿਸਟ੍ਰਿਕਟਿਡ ਬੰਦੂਕ ਅਤੇ ਅਸਲੇ ਨੂੰ ਰੱਖਣ, ਮੋਟਰ ਵਾਹਨ 'ਚ ਗੈਰਅਧਿਕਾਰਿਤ ਫਾਇਰਆਰਮ ਰੱਖਣ ਅਤੇ ਪੁਲਿਸ ਨੂੰ ਅੜਿੱਕੇ ਪੇਸ਼ ਕਰਨ ਦੇ ਦੋਸ਼ ਲੱਗੇ ਹਨ।
ਪੁਲਿਸ ਨੇ ਦੱਸਿਆ ਕਿ ਮਾਮਲੇ 'ਚ ਇੱਕ ਤੀਜਾ ਸ਼ੱਕੀ ਵੀ ਸ਼ਾਮਿਲ ਸੀ ਜਿਸ ਨੂੰ ਜਾਂਚ ਤੋਂ ਬਾਅਦ ਬਿਨਾ ਦੋਸ਼ਾਂ ਦੇ ਰਿਹਾਅ ਕਰ ਦਿੱਤਾ ਗਿਆ।
ਕੀ ਹੈ ਪੂਰਾ ਮਾਮਲਾ:
ਸੋਮਵਾਰ ਨੂੰ ਪ੍ਰਿੰਸ ਜੌਰਜ ਵਿੱਚ ਵਾਪਰੀ ਇੱਕ ਘਟਨਾ ਦੌਰਾਨ 3 ਲੋਕ ਪੁਲਿਸ ਅੜਿੱਕੇ ਚੜ੍ਹੇ ਸਨ।
ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਸੋਮਵਾਰ ਦੁਪਹਿਰ ਕਰੀਬ 2 ਵਜੇ ਪ੍ਰਿੰਸ ਜੌਰਜ ਆਰ.ਸੀ.ਐਮ.ਪੀ. ਦੇ ਅਫ਼ਸਰ ਟਰੈਫਿਕ ਸਟੌਪ ਨੂੰ ਅੰਜਾਮ ਦੇ ਰਹੇ ਸਨ।
ਇਸੇ ਦੌਰਾਨ ਇੱਕ ਸ਼ੱਕੀ ਵਾਹਨ ਨੂੰ ਮੌਕੇ ਤੋਂ ਦੌੜਾ ਲਿਆ ਗਿਆ।
ਇਸ ਵਾਹਨ ਨੂੰ ਕੁਝ ਹੀ ਮਿੰਟਾਂ ਬਾਅਦ ਇੱਕ ਹੋਰ ਪੁਲਿਸ ਵਾਹਨ ਵੱਲੋਂ 10 ਐਵੀਨਿਊ ਅਤੇ ਕਾਰਨੀ ਸਟ੍ਰੀਟ ਕੋਲ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ।
ਇਸ ਦੌਰਾਨ ਪੁਲਿਸ ਦੀ ਗੱਡੀ ਨੂੰ ਠੋਕਰ ਮਾਰਦੇ ਹੋਏ ਗੱਡੀ ਨੂੰ ਮੌਕੇ ਤੋਂ ਕੱਢ ਲਿਆ ਗਿਆ।
ਇਸ ਤੋਂ ਬਾਅਦ ਪੁਲਿਸ ਨੇ ਇਲਾਕੇ 'ਚ ਸ਼ੱਕੀਆਂ ਦੀ ਭਾਲ ਤੇਜ ਕਰ ਦਿੱਤੀ ਅਤੇ ਇਸੇ ਦੌਰਾਨ ਰੌਸ ਕ੍ਰੇਸੇਂਟ ਅਤੇ 5 ਐਵੀਨਿਊ ਕੋਲ ਵਾਹਨ ਵਿਖਾਈ ਦਿੱਤਾ।
ਗੱਡੀ ਨੂੰ ਰੋਕਣ ਦੀ ਕੋਸ਼ਿਸ਼ ਦੌਰਾਨ ਇਹ ਵਾਹਨ ਪੁਲਿਸ ਵਾਹਨ 'ਚ ਠੋਕ ਦਿੱਤਾ ਗਿਆ ਅਤੇ ਵਾਹਨ 'ਚ ਸਵਾਰ 3 ਲੋਕ ਮੌਕੇ ਤੋਂ ਦੌੜ ਨਿਕਲੇ।
ਪੁਲਿਸ ਨੇ ਤਿੰਨਾਂ ਦਾ ਪਿੱਛਾ ਕੀਤਾ ਅਤੇ ਇਸ ਦੌਰਾਨ ਪੁਲਿਸ ਨੇ ਗੋਲੀ ਵੀ ਚਲਾਈ।
ਕੌਰਪੋਰਲ ਜੈਨੀਫਰ ਕੂਪਰ ਨੇ ਦੱਸਿਆ ਕਿ ਕੁਝ ਸਮੇਂ ਬਾਅਦ ਤਿੰਨੇ ਸ਼ੱਕੀ ਕਾਬੂ ਕਰ ਲਏ ਗਏ।
