ਪ੍ਰਿੰਸ ਜਾਰਜ ’ਚ ਨਸ਼ਿਆਂ ਖ਼ਿਲਾਫ਼ ਵੱਡੀ ਕਾਰਵਾਈ, $29,000 ਨਕਦ, ਡਰੱਗਜ਼ ਤੇ 2 ਹਥਿਆਰ ਬਰਾਮਦ

ਪ੍ਰਿੰਸ ਜਾਰਜ ਆਰ.ਸੀ.ਐਮ.ਪੀ. ਨੇ ਇੱਕ ਘਰ 'ਤੇ ਛਾਪਮੇਰੀ ਵਿਚ ਸ਼ੱਕੀ ਗੈਰ-ਕਾਨੂੰਨੀ ਨਸ਼ੇ, ਹਥਿਆਰ ਅਤੇ ਕੈਸ਼ ਦੀ ਜ਼ਬਤੀ ਕੀਤੀ ਹੈ। ਪੁਲਿਸ ਮੁਤਾਬਕ, ਇਹ ਰੇਡ 24 ਅਗਸਤ ਨੂੰ ਮੋਂਟੇਰੀ ਰੋਡ ਦੇ 6200-ਬਲਾਕ ਵਿਚ ਕੀਤੀ ਗਈ।

ਤਲਾਸ਼ੀ ਦੌਰਾਨ ਪੁਲਿਸ ਨੇ ਘਰ ਅੰਦਰੋਂ ਲਗਭਗ $29,000 ਕੈਸ਼ ਅਤੇ ਅਣਪਛਾਤੇ ਪਦਾਰਥਾਂ ਦੇ 100 ਗ੍ਰਾਮ ਤੋਂ ਵੱਧ ਦੋ ਪੈਕਟ ਜ਼ਬਤ ਕੀਤੇ ਗਏ, ਜਿਨ੍ਹਾਂ ਦੇ ਗੈਰ-ਕਾਨੂੰਨੀ ਡਰੱਗਜ਼ ਹੋਣ ਦਾ ਸ਼ੱਕ ਹੈ। ਇਸ ਦੇ ਨਾਲ ਹੀ ਪੁਲਿਸ ਨੇ ਮੌਕੇ ਤੋਂ ਦੋ ਹਥਿਆਰ, ਕਾਰਤੂਸ ਅਤੇ ਨਸ਼ਾ ਤਸਕਰੀ ਲਈ ਵਰਤਿਆ ਜਾਣ ਵਾਲਾ ਸਾਮਾਨ ਵੀ ਬਰਾਮਦ ਕੀਤਾ।

ਕਾਰਪੋਰਲ ਜੈਨੀਫਰ ਕੂਪਰ ਮੁਤਾਬਕ, ਇਸ ਕਾਰਵਾਈ ਦੌਰਾਨ ਘਰ ਵਿਚ ਮੌਜੂਦ ਇੱਕ ਇਕਲੌਤੇ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ, ਜਿਸ ਨੂੰ National Laboratory ਤੋਂ ਨਸ਼ੀਲੇ ਪਦਾਰਥਾਂ ਦੀ ਰਿਪੋਰਟ ਆਉਣ ਅਤੇ ਪਬਲਿਕ ਪ੍ਰੋਸੀਕਿਊਸ਼ਨ ਸਰਵਿਸ ਵੱਲੋਂ ਦੋਸ਼ਾਂ ਦੀ ਪ੍ਰਵਾਨਗੀ ਮਿਲਣ ਤੱਕ ਸ਼ਰਤਾਂ 'ਤੇ ਰਿਹਾਅ ਕੀਤਾ ਗਿਆ ਹੈ, ਜਦੋਂ ਕਿ ਮਾਮਲੇ ਦੀ ਅਗਲੀ ਜਾਂਚ ਅਜੇ ਵੀ ਜਾਰੀ ਹੈ।