16.01C Vancouver 16.01C VancouverApr 9, 2021 3:25 PM -
ਬਰਤਾਨੀਆ ਦੀ ਮਹਾਰਾਣੀ ਐਲਿਜ਼ਬੈੱਥ ਦੇ ਪਤੀ ਪ੍ਰਿੰਸ ਫਿਲਿਪ ਦਾ ਦੇਹਾਂਤ ਹੋ ਗਿਆ ਹੈ, ਉਹ 99 ਸਾਲ ਦੇ ਸਨ।
ਉਨ੍ਹਾਂ ਨੂੰ ਇਸ ਸਾਲ ਦੇ ਸ਼ੁਰੂ ਵਿੱਚ ਤਕਰੀਬਨ ਇੱਕ ਮਹੀਨੇ ਲਈ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਸੀ ਅਤੇ 16 ਮਾਰਚ ਨੂੰ ਛੁੱਟੀ ਮਿਲਣ ਤੋਂ ਬਾਅਦ ਉਹ ਵਿੰਡਸਰ ਕੈਸਲ ਪਰਤੇ ਸਨ।
ਪ੍ਰਿੰਸ ਫਿਲਿਪ ਨੂੰ ‘ਡਿਊਕ ਆਫ ਐਡਿਨਬਰਗ’ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਸੀ ਅਤੇ ਉਨ੍ਹਾਂ ਨੇ 1947 ਵਿੱਚ ਮਹਾਰਾਣੀ ਐਲਿਜ਼ਬੈੱਥ ਨਾਲ ਵਿਆਹ ਕਰਵਾਇਆ ਸੀ।
ਪ੍ਰਿੰਸ ਫਿਲਿਪ ਨੇ ਸੱਤ ਦਹਾਕਿਆਂ ਤੱਕ ਆਪਣੀ ਪਤਨੀ ਨੂੰ ਹਰ ਪੱਖੋਂ ਸਾਥ ਅਤੇ ਸਹਿਯੋਗ ਪ੍ਰਦਾਨ ਕੀਤਾ।
ਉਨ੍ਹਾਂ ਨੇ 2017 ਵਿੱਚ ਜਨਤਕ ਜੀਵਨ ਤੋਂ ਸੰਨਿਆਸ ਲੈ ਲਿਆ ਸੀ।
ਪ੍ਰਿੰਸ ਫਿਲਿਪ ਇੱਕ ਸਾਬਕਾ ਨੇਵਲ ਅਫ਼ਸਰ ਅਤੇ ਪੋਲੋ ਖਿਡਾਰੀ ਵੀ ਸਨ।
ਉਨ੍ਹਾਂ ਦੇ 4 ਬੱਚੇ, 8 ਪੋਤੇ ਪੋਤੀਆਂ ਅਤੇ 9 ਪੜ ਪੋਤੇ ਪੋਤੀਆਂ ਹਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਕਨੇਡੀਅਨ ਆਰਮਡ ਫੋਰਸਿਜ਼ ਵੱਲੋਂ ਇਸ ਮੌਕੇ ਤੇ ਸ਼ਾਹੀ ਪਰਿਵਾਰ ਨੂੰ ਸ਼ੋਕ ਦਾ ਪ੍ਰਗਟਾਵਾ ਕਰਦੇ ਸੁਨੇਹੇ ਭੇਜੇ ਗਏ ਹਨ।
