12.5C Vancouver 12.5C VancouverMar 1, 2021 6:37 PM -
ਪ੍ਰਿੰਸ ਫਿਲਿਪ ਨੂੰ ਅੱਜ ਲੰਡਨ ਦੇ ਇੱਕ ਦਿਲ ਨਾਲ ਸੰਬੰਧਤ ਹਸਪਤਾਲ 'ਚ ਦਾਖਿਲ ਕੀਤਾ ਗਿਆ ਹੈ।
ਇੱਕ ਐਂਬੂਲੈਂਸ 'ਚ ਉਨ੍ਹਾਂ ਨੂੰ ਸਪੈਸ਼ਲਾਈਜ਼ਡ ਹਸਪਤਾਲ ਪਹੁੰਚਾਇਆ ਗਿਆ।
ਡਾਕਟਰਾਂ ਵੱਲੋਂ ਉਨ੍ਹਾਂ ਦੇ ਕੁਝ ਟੈਸਟ ਕੀਤੇ ਜਾਣੇ ਹਨ।
ਖਬਰਾਂ ਅਨੁਸਾਰ ਪ੍ਰਿੰਸ ਫਿਲਿਪ ਪਹਿਲਾਂ ਤੋਂ ਦਿਲ ਦੀ ਕਿਸੇ ਅਵਸਥਾ ਨਾਲ ਜੂਝ ਰਹੇ ਹਨ ਅਤੇ ਉਨ੍ਹਾਂ ਨੂੰ ਡਾਕਟਰਾਂ ਦੀ ਨਿਗਰਾਨੀ ਹੇਠ ਰੱਖਿਆ ਜਾਵੇਗਾ।
ਉਨ੍ਹਾਂ ਨੂੰ ਕਿਸ ਇਨਫੈਕਸ਼ਨ ਲਈ ਹਸਪਤਾਲ ਰੱਖਿਆ ਗਿਆ ਹੈ, ਇਸ ਦੇ ਵੇਰਵੇ ਸਾਂਝੇ ਨਹੀਂ ਕੀਤੇ ਗਏ ਹਨ।
ਉਨ੍ਹਾਂ ਨੂੰ ਪਹਿਲਾਂ ਹਸਪਤਾਲ 'ਚ ਕਰੀਬ 13 ਦਿਨ ਪਹਿਲਾਂ ਦਾਖਿਲ ਕੀਤਾ ਗਿਆ ਸੀ।
ਉਸ ਵੇਲੇ ਉਨ੍ਹਾਂ ਦੇ ਠੀਕ ਮਹਿਸੂਸ ਨਾ ਕਰ ਰਹੇ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਕਵੀਨ ਦੇ ਪਤੀ ਪ੍ਰਿੰਸ ਫਿਲਿਪ 99 ਸਾਲ ਦੇ ਹਨ।
ਯਾਦ ਰਹੇ 10 ਜੂਨ ਨੂੰ ਪ੍ਰਿੰਸ ਫਿਲਿਪ 100 ਸਾਲ ਦੇ ਹੋਣ ਜਾ ਰਹੇ ਹਨ।
