25.2C Vancouver 25.2C VancouverFeb 11, 2021 1:22 AM -
ਯੂਨੀਵਰਸਿਟੀ ਆਫ ਬੀ.ਸੀ. ਤੋਂ ਗਰੈਜੂਏਸ਼ਨ ਕਰਨ ਵਾਲੀ ਇੱਕ ਮਨੁੱਖੀ ਅਧਿਕਾਰਾਂ ਲਈ ਆਵਾਜ਼ ਬੁਲੰਦ ਕਰਨ ਵਾਲੀ ਔਰਤ ਨੂੰ ਸਾਊਦੀ ਅਰਬ ਦੀ ਜੇਲ੍ਹ ਤੋਂ ਰਿਹਾਅ ਕੀਤਾ ਗਿਆ ਹੈ।
ਇਸ ਔਰਤ ਦਾ ਨਾਮ ਲੋਜੇਨ-ਅਲ-ਹਾਥੁਲ ਹੈ।
ਉਸ ਨੂੰ ਕਰੀਬ 3 ਸਾਲ ਤੱਕ ਸਾਊਦੀ ਅਰਬ ਦੀ ਜੇਲ੍ਹ 'ਚ ਰੱਖਿਆ ਗਿਆ ਅਤੇ ਉਸ ਨੂੰ ਤਸੀਹੇ ਦਿੱਤੇ ਜਾਣ ਅਤੇ ਉਸ ਦਾ ਸ਼ੋਸ਼ਣ ਹੋਣ ਬਾਰੇ ਦੱਸਿਆ ਗਿਆ ਹੈ।
ਇਸ ਔਰਤ ਨੇ ਯੂ.ਬੀ.ਸੀ. ਤੋਂ ਆਪਣੀ ਗਰੈਜੂਏਸ਼ਨ ਪੂਰੀ ਕਰਨ ਤੋਂ ਬਾਅਦ ਸਾਊਦੀ ਅਰਬ ਦੀ ਵਾਪਸੀ ਕੀਤੀ ਸੀ।
ਉਸ 'ਤੇ ਜਸੂਸੀ ਅਤੇ ਸਾਜ਼ਿਸ਼ ਜਿਹੇ ਇਲਜ਼ਾਮ ਲੱਗੇ ਸਨ।
ਹਾਲਾਂਕਿ ਰਿਹਾਈ ਤੋਂ ਬਾਅਦ ਵੀ ਇਸ ਔਰਤ ਨੂੰ ਦੇਸ਼ ਛੱਡਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ ਹੈ।
ਹਾਥੁਲ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਰਿਹਾਅ ਹੋਣ ਤੋਂ ਬਾਅਦ ਉਸ ਨੂੰ 3 ਸਾਲ ਦੀ ਪ੍ਰੋਬੇਸ਼ਨ 'ਤੇ ਰਹਿਣਾ ਹੋਵੇਗਾ ਅਤੇ ਇਸ ਦੌਰਾਨ ਉਸ ਨੂੰ ਕਿਸੇ ਵੀ ਗੈਰ-ਕਨੂੰਨੀ ਜਾਪਣ ਵਾਲੀ ਗਤੀਵਿਧੀ ਲਈ ਗ੍ਰਿਫਤਾਰ ਕੀਤਾ ਜਾ ਸਕਦਾ ਹੈ।
ਉਸ 'ਤੇ ਕਿਸੇ ਵੀ ਅੰਤਰਰਾਸ਼ਟਰੀ ਯਾਤਰਾ ਤੋਂ 5 ਸਾਲ ਦੀ ਪਬੰਦੀ ਬਾਰੇ ਦੱਸਿਆ ਗਿਆ ਹੈ।
ਇਹ ਜਾਣਕਾਰੀ ਉਸ ਦੇ ਪਰਿਵਾਰ ਨੇ ਦਿਸੰਬਰ 'ਚ ਸਾਂਝੀ ਕੀਤੀ ਸੀ।
ਐਮਨੈਸਟੀ ਇੰਟਰਨੈਸ਼ਨਲ ਨੇ ਮੰਗ ਕੀਤੀ ਹੈ ਕਿ ਹਾਥੁਲ 'ਤੇ ਯਾਤਰਾ ਤੋਂ ਪਬੰਦੀ ਜਿਹੀ ਹੋਰ ਸਖਤ ਕਾਰਵਾਈ ਨਹੀਂ ਹੋਣੀ ਚਾਹੀਦੀ।
