18.07C Vancouver 18.07C VancouverSep 20, 2021 7:36 PM -
ਵੈਨਕੂਵਰ ਆਈਲੈਂਡ ਦੀ ਜਾਨ ਗਵਾਉਣ ਵਾਲੀ ਇੱਕ ਇੰਡੀਜਨਸ ਔਰਤ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਇਨਸਾਫ ਹਾਸਿਲ ਕਰਨ ਦੀਆਂ ਕੋਸ਼ਿਸ਼ਾਂ 'ਚ ਵਿਕਟੋਰੀਆ ਪੁਲਿਸ ਚੀਫ਼ 'ਤੇ ਹੋਏ ਹਮਲੇ ਕਾਰਨ ਅੜਿੱਕਾ ਪਿਆ ਹੈ।
ਮਾਮਲਾ ਚੈਂਟਲ ਮੂਰ ਦੀ ਮੌਤ ਨਾਲ ਸੰਬੰਧਤ ਹੈ ਜਿਸ ਦੀ ਨਿਊ ਬਰੰਸਵਿਕ 'ਚ ਇੱਕ ਵੈਲਨੈਸ ਚੈਕ ਦੌਰਾਨ ਮੌਤ ਹੋ ਗਈ ਸੀ।
ਹਾਲਾਂਕਿ ਮੂਰ ਦੇ ਪਰਿਵਾਰ ਅਤੇ ਪੁਲਿਸ ਚੀਫ਼ ਦਾ ਕਹਿਣਾ ਹੈ ਕਿ ਜਰੂਰੀ ਹੈ ਕਿ ਧਿਆਨ ਮੂਰ ਦੇ ਇਨਸਾਫ 'ਤੇ ਕੇਂਦਰਿਤ ਕੀਤਾ ਜਾਵੇ।
ਇਸ ਵੀਕਐਂਡ ਦੌਰਾਨ ਮੂਰ ਦਾ ਪਰਿਵਾਰ ਵਿਕਟੋਰੀਆ 'ਚ ਬੀ.ਸੀ. ਵਿਧਾਨ ਸਭਾ ਦੇ ਬਾਹਰ ਪ੍ਰਦਰਸ਼ਨ ਕਰ ਰਿਹਾ ਸੀ।
ਇਸ 'ਚ ਚੀਫ਼ ਡੈਲ ਮਾਨਕ ਨੂੰ ਵੀ ਸੱਦਿਆ ਗਿਆ ਸੀ।
ਇਸੇ ਦੌਰਾਨ ਪ੍ਰਦਰਸ਼ਨ 'ਚ ਬਗੈਰ ਸੱਦੇ ਪਹੁੰਚੀ ਇੱਕ ਔਰਤ ਨੇ ਪੁਲਿਸ ਚੀਫ਼ 'ਤੇ ਕੋਈ ਲਿਕਵੀਡ ਪਦਾਰਥ ਸੁੱਟ ਦਿੱਤਾ।
ਘਟਨਾ 'ਚ ਪੁਲਿਸ ਚੀਫ਼ ਨੂੰ ਕੋਈ ਸੱਟਫੇਟ ਤੋਂ ਬਚਾਅ ਰਿਹਾ।
ਪੁਲਿਸ ਨੇ ਔਰਤ ਨੂੰ ਰੋਕਿਆ ਤਾਂ 4 ਹੋਰ ਲੋਕ ਪੁਲਿਸ ਨਾਲ ਉਲਝੇ ਸਨ।
ਮੂਰ ਦੀ ਮਾਂ ਨੇ ਘਟਨਾ ਤੋਂ ਬਾਅਦ ਦੁੱਖ ਜਾਹਿਰ ਕੀਤਾ ਅਤੇ ਕਿਹਾ ਕਿ ਉਸ ਦੀ ਬੱਚੀ ਦੇ ਮੈਮੋਰੀਅਲ 'ਤੇ ਅਜਿਹਾ ਨਹੀਂ ਹੋਣਾ ਚਾਹੀਦਾ ਸੀ।
