ਐਲਬਰਟਾ ਵਿਚ ਨਵੇਂ ਇਨਫਰਾਸਟਕਚਰ ਮੰਤਰੀ ਵਜੋਂ ਮਾਰਟਿਨ ਲੌਂਗ ਹੋਏ ਨਿਯੁਕਤ

ਐਲਬਰਟਾ ਸਰਕਾਰ ਨੇ ਨਵੇਂ ਇਨਫਰਾਸਟਕਚਰ ਮੰਤਰੀ ਵਜੋਂ ਮਾਰਟਿਨ ਲੌਂਗ ਨੂੰ ਨਿਯੁਕਤ ਕੀਤਾ ਹੈ। ਇਸੇ ਹਫਤੇ ਪੀਟਰ ਗੁਥਰੀ ਨੇ ਕੈਬਨਿਟ ਵਿਚੋਂ ਅਸਤੀਫਾ ਦਿੰਦੇ ਹੋਏ ਇਸ ਅਹੁਦੇ ਨੂੰ ਖਾਲੀ ਕੀਤਾ ਸੀ। ਲੌਂਗ ਵੈਸਟ ਯੈਲੋਹੈੱਡ ਤੋਂ ਮੈਂਬਰ ਹਨ ਅਤੇ ਉਨ੍ਹਾਂ ਕਿਹਾ ਕਿ ਉਹ ਜਨਸੰਖਿਆ ਦੇ ਵਾਧੇ ਮੁਤਾਬਕ ਬਿਲਡਿੰਗ ਤਿਆਰ ਕਰਵਾਉਣ ਲਈ ਕੰਮ ਕਰਨਗੇ। ਉਹ 2019 ਵਿਚ ਪਹਿਲੀ ਵਾਰ ਸੰਸਦੀ ਸਕੱਤਰ ਚੁਣੇ ਗਏ ਸਨ।

ਇਸ ਦੌਰਾਨ ਉਹ ਛੋਟੇ ਵਪਾਰ ਅਤੇ ਪੇਂਡੂ ਸਿਹਤ ਵਰਗੇ ਕੰਮ ਦੇਖਦੇ ਸਨ। ਗੌਰਤਲਬ ਹੈ ਕਿ ਏਅਰਡਰੀ-ਕੋਚਰੇਨ ਦੀ ਨੁਮਾਇੰਦਗੀ ਕਰਨ ਵਾਲੇ ਗੁਥਰੀ ਪ੍ਰੀਮੀਅਰ ਦੀ ਯੂਨਾਈਟਿਡ ਕੰਜ਼ਰਵੇਟਿਵ ਕਾਕਸ ਵਿਚ ਰਹਿਣਗੇ ਪਰ ਉਹ ਕੈਬਨਿਟ ਜ਼ਿੰਮੇਵਾਰੀਆਂ ਲਈ ਨਹੀਂ ਨਿਭਾਉਣਗੇ ਸਗੋਂ ਬੈਕਬੈਂਚਰ ਵਜੋਂ ਕੰਮ ਕਰਨਗੇ।