11.92C Vancouver 11.92C VancouverMay 25, 2023 7:57 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਕਾਮਲੂਪਸ ਵਿੱਚ ਇੱਕ ਨਵਾਂ ਕੈਂਸਰ ਕੇਅਰ ਸੈਂਟਰ ਬਣਾਉਣ ਦੀ ਤਿਆਰੀ ਕਰ ਰਹੀ ਹੈ।
ਸਿਹਤ ਮੰਤਰੀ ਐਡਰੀਅਨ ਡਿਕਸ ਦਾ ਕਹਿਣਾ ਹੈ ਕਿ ਰਾਇਲ ਇਨਲੈਂਡ ਹਸਪਤਾਲ ਦੇ ਨਵੇਂ ਕੇਂਦਰ ਵਿੱਚ ਰੇਡੀਏਸ਼ਨ ਥੈਰੇਪੀ ਸ਼ਾਮਲ ਹੋਵੇਗੀ, ਮਤਲਬ ਕਿ ਮਰੀਜ਼ਾਂ ਨੂੰ ਹੁਣ ਉਸ ਇਲਾਜ ਲਈ ਕੇਲੋਨਾ ਦੀ ਲਗਭਗ ਦੋ ਘੰਟੇ ਦੀ ਯਾਤਰਾ ਨਹੀਂ ਕਰਨੀ ਪਵੇਗੀ।
ਡਿਕਸ ਦਾ ਕਹਿਣਾ ਹੈ ਕਿ ਕੇਂਦਰ ਲਈ ਇੱਕ 'ਕੌਨਸੇਪਟ ਪਲਾਨ', ਜਿਸਦਾ 2020 ਚੋਣਾਂ ਦੇ ਹਿੱਸੇ ਵਜੋਂ ਵਾਅਦਾ ਕੀਤਾ ਗਿਆ ਸੀ, ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ, ਅਤੇ ਇੱਕ ਬਿਜ਼ਨਸ ਪਲਾਨ ਇਸ ਕੈਲੰਡਰ ਸਾਲ ਵਿੱਚ ਪੂਰਾ ਕੀਤਾ ਜਾਵੇਗਾ।
ਡਿਕਸ ਦਾ ਕਹਿਣਾ ਹੈ ਕਿ ਉਹਨਾਂ ਨੂੰ ਉਮੀਦ ਹੈ ਕਿ ਇਮਾਰਤ 2027 ਵਿੱਚ ਮਰੀਜ਼ਾਂ ਨੂੰ ਦੇਖਣ ਲਈ ਤਿਆਰ ਹੋ ਜਾਵੇਗੀ ਅਤੇ ਕੈਂਸਰ ਕੇਂਦਰਾਂ ਦੀ ਆਮ ਤੌਰ 'ਤੇ $200 ਅਤੇ $300 ਮਿਲੀਅਨ ਦੇ ਵਿਚਕਾਰ ਲਾਗਤ ਹੋਵੇਗੀ।
ਜ਼ਿਕਰਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਹੀ, ਰੇਡੀਏਸ਼ਨ ਥੈਰੇਪੀ ਲਈ ਇੰਤਜ਼ਾਰ ਦੇ ਸਮੇਂ ਨੂੰ ਘਟਾਉਣ ਦੀ ਕੋਸ਼ਿਸ਼ ਵਿੱਚ, ਡਿਕਸ ਦੁਆਰਾ 50 ਬੀ.ਸੀ ਦੇ ਕੈਂਸਰ ਦੇ ਮਰੀਜ਼ਾਂ ਨੂੰ ਹਰ ਹਫ਼ਤੇ ਵਾਸ਼ਿੰਗਟਨ ਵਿੱਚ ਦੋ ਕਲੀਨਿਕਾਂ ਵਿੱਚ ਭੇਜੇ ਜਾਣ ਦਾ ਐਲਾਨ ਕੀਤਾ ਗਿਆ ਸੀ।
ਉਸ ਸਮੇਂ, ਡਿਕਸ ਨੇ ਕਿਹਾ ਕਿ ਲਗਭਗ 83 ਪ੍ਰਤੀਸ਼ਤ ਬੀ.ਸੀ. ਮਰੀਜ਼ ਇਲਾਜ ਲਈ ਤਿਆਰ ਹੋਣ ਦੀ ਮਿਤੀ ਤੋਂ 28 ਦਿਨਾਂ ਦੇ ਅੰਦਰ ਰੇਡੀਏਸ਼ਨ ਸ਼ੁਰੂ ਕਰਦੇ ਹਨ, ਜੋ ਕਿ ਪ੍ਰਾਂਤ ਦੁਆਰਾ ਇੱਕ ਟੀਚੇ ਵਜੋਂ ਨਿਰਧਾਰਤ ਕੀਤੇ ਗਏ ਕਲੀਨਿਕਲ ਮਾਪਦੰਡਾਂ ਨੂੰ ਪੂਰਾ ਨਹੀਂ ਕਰਦਾ ਹੈ।
