15.39C Vancouver 15.39C VancouverMay 30, 2025 7:34 PM - Connect Newsroom
ਬੀਸੀ ਸਰਕਾਰ ਇੱਕ ਨਵਾਂ ਕਮਿਊਨਿਟੀ ਸੇਫਟੀ ਤੇ ਟਾਰਗੇਟ ਇਨਫੋਰਸਮੈਂਟ ਪ੍ਰੋਗਰਾਮ ਲੌਂਚ ਕਰ ਰਹੀ ਹੈ। ਇਸ ਦਾ ਮਕਸਦ ਵਪਾਰ ਅਤੇ ਕਮਿਊਨਿਟੀ ਨੂੰ ਪ੍ਰਭਾਵਿਤ ਕਰਨ ਵਾਲੇ ਸਟ੍ਰੀਟ ਕ੍ਰਾਈਮ ਜਿਵੇਂ ਕਿ ਡਕੈਤੀ, ਦੁਕਾਨਾਂ ਵਿੱਚ ਚੋਰੀ ਅਤੇ ਜਾਇਦਾਦ ਦਾ ਨੁਕਸਾਨ ਵਰਗੇ ਅਪਰਾਧਾਂ ਨਾਲ ਨਜਿੱਠਣ ਲਈ ਪੁਲਿਸ ਦੀ ਤਾਕਤ ਨੂੰ ਵਧਾਉਣਾ ਹੈ।
ਸੂਬਾ ਇਸ ਪਹਿਲਕਦਮੀ ਲਈ $5 ਮਿਲੀਅਨ ਤੱਕ ਦੀ ਫੰਡਿੰਗ ਜਾਰੀ ਕਰ ਰਿਹਾ ਹੈ, ਜਿਸ ਨਾਲ ਪੁਲਿਸ ਨੂੰ ਆਪਣੇ ਸਰੋਤ ਵਧਾਉਣ ਵਿਚ ਮਦਦ ਮਿਲੇਗੀ।
ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਦੇਖਿਆ ਗਿਆ ਹੈ ਕਿ ਵੈਨਕੂਵਰ ਪੁਲਿਸ ਵਿਭਾਗ ਨੇ ਵਿਸ਼ੇਸ਼ ਜਾਂਚ ਅਤੇ ਟਾਰਗੇਟ ਇਨਫੋਰਸਮੈਂਟ ਪ੍ਰੋਗਰਾਮ ਨਾਲ ਜਨਵਰੀ 2025 ਵਿਚ ਹੇਸਟਿੰਗਜ਼ ਕਰਾਸਿੰਗ ਵਿਚ ਹਿੰਸਕ ਤੇ ਪ੍ਰਾਪਰਟੀ ਕ੍ਰਾਈਮ ਵਿਚ ਦੋ ਸਾਲਾਂ ਦੀ ਸਭ ਤੋਂ ਵੱਡੀ ਕਮੀ ਦੇਖੀ ਹੈ।
