19.56C Vancouver 19.56C VancouverNov 6, 2023 8:18 PM - The Canadian Press
ਕੈਨੇਡਾ ਸਰਕਾਰ ਨੇ ਨਫ਼ਰਤ ਤੋਂ ਪ੍ਰੇਰਿਤ ਅਪਰਾਧ ਦੇ ਰਿਸਕ ਦਾ ਸਾਹਮਣਾ ਕਰ ਰਹੀਆਂ ਕਮਿਊਨਿਟੀ ਦੀ ਸਪੋਰਟ ਲਈ ਨਵੀਂ ਫੰਡਿੰਗ ਅਤੇ ਹੋਰ ਕਦਮਾਂ ਦੀ ਘੋਸ਼ਣਾ ਕੀਤੀ ਹੈ।
ਪਬਲਿਕ ਸੇਫ਼ਟੀ ਮਿਨਿਸਟਰ ਡੋਮਿਨਿਕ ਲੇਬਲੈਂਕ ਨੇ ਸੋਮਵਾਰ ਨੂੰ ਕਿਹਾ ਕਿ ਕੈਨੇਡੀਅਨ ਭਾਈਚਾਰੇ ਜੋ ਕਿ ਹੇਟ ਮੋਟੀਵੇਟਿਡ ਕ੍ਰਾਈਮ ਦੇ ਰਿਸਕ 'ਤੇ ਹਨ ਉਨ੍ਹਾਂ ਦੇ ਕਮਿਊਨਿਟੀ ਕੇਂਦਰ, ਸੰਸਥਾਵਾਂ ਅਤੇ ਧਾਰਮਿਕ ਸਥਾਨਾਂ ਦੀ ਸੁਰੱਖਿਆ ਲਈ ਸਰਕਾਰ ਵਾਧੂ $5 million ਖ਼ਰਚ ਕਰਨ ਜਾ ਰਹੀ ਹੈ।
ਇਹ ਫੰਡਿੰਗ ਸੁਰੱਖਿਆ ਇੰਫ੍ਰਾਸਟਕਚਰ ਪ੍ਰੋਗਰਾਮ ਤਹਿਤ ਖ਼ਰਚੀ ਜਾਣੀ ਹੈ, ਜਿਸ ਵਿੱਚ ਨਵੀਆਂ ਸਾਈਟਾਂ ਨੂੰ ਕਵਰ ਕੀਤਾ ਜਾ ਰਿਹਾ ਹੈ ਜਿਨ੍ਹਾਂ ਵਿੱਚ ਦਫ਼ਤਰੀ ਥਾਂਵਾਂ ਅਤੇ ਡੇ-ਕੇਅਰ ਦੇ ਨਾਲ-ਨਾਲ ਸੁਰੱਖਿਆ ਗਾਰਡ ਦਾ ਖ਼ਰਚਾ ਵੀ ਸ਼ਾਮਲ ਹੋਵੇਗਾ।
ਇਹ ਪ੍ਰੋਜੈਕਟ 31 ਮਾਰਚ 2024 ਤੱਕ ਮੁਕੰਮਲ ਕੀਤਾ ਜਾਵੇਗਾ।
ਲੇਬਲੈਂਕ ਨੇ ਕਿਹਾ ਕਿ ਨਵੇਂ ਸੁਰੱਖਿਆ ਇੰਫ੍ਰਾਸਟਕਚਰ ਪ੍ਰੋਗਰਾ ਦੇ ਕਦਮਾਂ ਬਾਰੇ ਆਉਣ ਵਾਲੇ ਦਿਨਾਂ ਵਿੱਚ ਵਧੇਰੇ ਜਾਣਕਾਰੀ ਦਿੱਤੀ ਜਾਵੇਗੀ।
ਸਰਕਾਰ ਦਾ ਕਹਿਣਾ ਹੈ ਕਿ ਉਸ ਨੇ ਇਹ ਕਦਮ ਇਸ ਲਈ ਚੁੱਕਿਆ ਹੈ ਕਿਉਂਕਿ ਹਾਲ ਦੇ ਅੰਤਰਰਾਸ਼ਟਰੀ ਸਮਾਗਮ ਨੇ ਕੈਨੇਡਾ ਵਿੱਚ ਬਹੁਤ ਸਾਰੀਆਂ ਕਮਿਊਨਿਟੀ ਵਿੱਚ ਡਰ ਪੈਦਾ ਕੀਤਾ ਹੈ, ਇਸ ਲਈ ਕੈਨੇਡਾ ਸਰਕਾਰ ਇਨ੍ਹਾਂ ਨਾਲ ਨਜਿੱਠਣ ਲਈ ਵਾਧੂ ਕਦਮ ਚੁੱਕ ਰਹੀ ਹੈ।
