15.62C Vancouver 15.62C VancouverJan 26, 2022 1:52 AM - The Canadian Press
ਦੇਸ਼ ਦੇ ਪਬਲਿਕ ਸੇਫਟੀ ਮੰਤਰੀ, ਮਾਰਕੋ ਮੈਂਡੀਚੀਨੋ ਨੇ ਟਵਿਟਰ ਨੂੰ ਅਪੀਲ ਕੀਤੀ ਹੈ ਕਿ ਔਂਟੈਰੀਓ ਦੇ ਇੱਕ ਸਿਆਸਤਦਾਨ ਦਾ ਟਵੀਟ ਹਟਾਇਆ ਜਾਵੇ।
ਉਨ੍ਹਾਂ ਕਿਹਾ ਕਿ ਇਸ ਟਵੀਟ 'ਚ ਦੇਸ਼ ਦੇ ਟਰਾਂਸਪੋਰਟ ਮੰਤਰੀ ਨੂੰ ਅੱਤਵਾਦੀ ਆਖਿਆ ਗਿਆ ਹੈ।
ਮਾਰਕੋ ਮੈਂਡੀਚੀਨੋ ਨੇ ਕਿਹਾ ਕਿ ਸੁਤੰਤਰ ਐਮ.ਪੀ.ਪੀ. ਰੈਂਡੀ ਹਿਲੀਅਰ ਦਾ ਕੀਤਾ ਟਵੀਟ ਅਪਮਾਨਜਨਕ ਅਤੇ ਇਸਲਾਮੋਫੋਬੀਕ ਹੈ।
ਰੈਂਡੀ ਹਿਲੀਅਰ ਨੇ ਅੱਜ ਇੱਕ ਟਵੀਟ ਕਰਦੇ ਹੋਏ ਔਟਵਾ ਵੱਲ ਵਧ ਰਹੇ ਵੈਕਸੀਨ ਮੈਂਡੇਟ ਦਾ ਵਿਰੋਧ ਕਰਦੇ ਟਰੱਕ ਚਾਲਕਾਂ ਲਈ ਸਹਿਯੋਗ ਜਾਹਿਰ ਕੀਤਾ ਸੀ।
ਇਸੇ ਦੌਰਾਨ ਉਨ੍ਹਾਂ ਦੇਸ਼ ਦੇ ਟਰਾਂਸਪੋਰਟ ਮੰਤਰੀ ਓਮਰ ਅਲਘਾਬਰਾ ਨੂੰ ਅੱਤਵਾਦੀ ਆਖ ਦਿੱਤਾ।
ਯਾਦ ਰਹੇ ਟਰੱਕ ਚਾਲਕਾਂ ਦਾ ਇੱਕ ਵੱਡਾ ਸਮੂਹ ਦੇਸ਼ ਦੇ ਵੱਖ-ਵੱਖ ਖੇਤਰਾਂ ਤੋਂ ਔਟਵਾ ਲਈ ਰਵਾਨਾ ਹੋਇਆ ਹੈ।
ਇਹ ਟਰੱਕ ਚਾਲਕ ਅਮਰੀਕਾ ਤੋਂ ਦੇਸ਼ ਪਰਤਣ ਮੌਕੇ ਵੈਕਸੀਨ ਹਾਸਿਲ ਨਾ ਹੋਣ ਦੀ ਹਾਲਤ 'ਚ ਕੁਆਰੰਟੀਨ 'ਚ ਜਾਣ ਦੇ ਨਿਯਮ ਪ੍ਰਤੀ ਰੋਸ ਜਾਹਿਰ ਕਰ ਰਹੇ ਹਨ।
