10.45C Vancouver 10.45C VancouverMay 12, 2020 3:00 AM -
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੋਮਵਾਰ ਨੂੰ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੇ ਨਾਲ ਹੋਈ ਵੀਡੀਓ ਕਾਨਫਰੰਸਿੰਗ ਦੀ ਗੱਲਬਾਤ ਤੋਂ ਬਾਅਦ, ਪੰਜਾਬ 'ਚ ਲੌਕਡਾਊਨ ਨੂੰ ਅੱਗੇ ਵਧਾਉਣ ਦਾ ਸਮਰਥਨ ਕੀਤਾ ਹੈ।
ਹਾਲਾਂਕਿ ਅਜਿਹਾ ਕਰਦੇ ਹੋਏ ਬੇਹੱਦ ਧਿਆਨ ਨਾਲ ਉਲੀਕੀ ਗਈ ਰਣਨੀਤੀ ਵਰਤਣ ਦੀ ਵੀ ਗੱਲ ਆਖੀ ਹੈ।
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨਾਲ ਚਰਚਾ ਦੌਰਾਨ ਕੈਪਟਨ ਨੇ ਕਿਹਾ ਕਿ ਸੂਬਿਆਂ ਨੂੰ ਵਧੇਰੇ ਲਚਕਤਾ ਪ੍ਰਦਾਨ ਕਰਨ ਦੀ ਲੋੜ ਹੈ, ਜਿਸਦੇ ਆਸਰੇ ਮਾਈਕਰੋ ਪਲੈਨਿੰਗ ਕੀਤੀ ਜਾਵੇ ਅਤੇ ਕੋਵਿਡ-19 ਦੇ ਨਾਲ-ਨਾਲ ਵਿੱਤੀ ਸੰਕਟ ਵਿੱਚੋਂ ਨਿਕਲਣ ਦੇ ਵੀ ਹੱਲ ਹੋ ਸਕਣ।
ਕੈਪਟਨ ਨੇ ਕੋਵਿਡ ਟੈਸਟਿੰਗ ਸੰਬੰਧੀ ਰਾਸ਼ਟਰੀ ਰਣਨੀਤੀ ਲਿਆਉਣ ਦੀ ਵੀ ਮੰਗ ਕੀਤੀ।
ਉਨ੍ਹਾਂ ਕੇਂਦਰ ਸਰਕਾਰ ਨੂੰ ਜਲਦ ਤੋਂ ਜਲਦ ਘਟੋ-ਘੱਟ 33% ਤੱਕ ਦੀ ਮਦਦ ਅਤੇ 3 ਮਹੀਨਿਆਂ ਲਈ ਰੈਵੀਨਿਊ ਗਰਾਂਟ ਦੇਣ ਦੀ ਮੰਗ ਕੀਤੀ ਹੈ। ਕੈਪਟਨ ਨੇ ਮੰਗ ਕੀਤੀ ਕਿ ਪੰਜਾਬ ਦੇ ਜੀ.ਐਸ.ਟੀ. ਦਾ ਕੇਂਦਰ ਵੱਲੋਂ ਆਉਣ ਵਾਲਾ ਪੈਸੇ ਵੀ ਜਲਦੀ ਰਿਲੀਜ਼ ਕੀਤਾ ਜਾਵੇ।
ਇਸਦੀ ਰਾਸ਼ੀ 2,365.37 ਕਰੋੜ ਦੀ ਹੈ।
ਕੈਪਟਨ ਨੇ ਕਰਜ਼ਾ ਉਠਾਉਣ ਦੀ ਲਿਮਿਟ ਨੂੰ ਵੀ 3% ਤੋਂ ਵਧਾ ਕੇ 4% ਕਰਨ ਦੀ ਮੰਗ ਕੀਤੀ ਹੈ।
