18.34C Vancouver 18.34C VancouverMay 4, 2021 1:42 PM -
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਅੱਜ ਮੰਗਲਵਾਰ ਨੂੰ ਸੂਬੇ ਨੂੰ ਕੋਵਿਡ-19 ਦੇ ਵਧਦੇ ਮਾਮਲਿਆਂ ਦੌਰਾਨ ਆਕਸੀਜਨ ਦੀ ਕਮੀ ਕਰਕੇ 50 ਮੀਟ੍ਰਿਕ ਟਨ (ਐੱਮ ਟੀ) ਵਾਧੂ ਤਰਲ ਮੈਡੀਕਲ ਆਕਸੀਜਨ (ਐੱਲ ਐੱਮ ਓ) ਮੁੱਹਈਆ ਕਰਾਉਣ ਲਈ ਚਿੱਠੀ ਲਿਖ ਕੇ ਬੇਨਤੀ ਕੀਤੀ ਹੈ।
ਉਨ੍ਹਾਂ ਚਿੱਠੀ ਵਿੱਚ ਫ਼ੌਰੀ ਤੌਰ 'ਤੇ ਐੱਲ ਐੱਮ ਓ ਦੀ ਨਿਕਾਸੀ ਲਈ ਦਖਲ ਦੇਕੇ ਬੋਕਾਰੋ ਤੋਂ 20 ਵਾਧੂ ਟੈਂਕਰ (ਖ਼ਾਸ ਤੌਰ 'ਤੇ ਰੇਲ ਜ਼ਰੀਏ) ਭੇਜਣ ਦੀ ਮੰਗ ਕੀਤੀ।
ਸੂਬੇ ਵਿੱਚ ਆਕਸੀਜਨ ਸਪੋਟ ਦੇ ਅਧਾਰ 'ਤੇ ਵੱਖੋ-ਵੱਖਰੇ ਪੱਧਰਾਂ 'ਤੇ ਬਿਮਾਰ ਕੋਵਿਡ ਮਰੀਜ਼ਾਂ ਦੀ ਗਿਣਤੀ, ਮੀਡਿਆ ਰਿਲੀਜ਼ ਮੁਤਾਬਕ 10,000 ਤੋਂ ਵੀ ਵਧਣ ਕਰਕੇ, ਮੁੱਖ ਮੰਤਰੀ ਵੱਲੋਂ ਪ੍ਰਧਾਨ ਮੰਤਰੀ ਅਤੇ ਗ੍ਰਹਿ ਮੰਤਰੀ ਨੂੰ ਵੱਖੋ-ਵੱਖ ਚਿੱਠੀਆਂ ਲਿਖੀਆਂ ਗਈਆਂ ਹਨ।
ਆਕਸੀਜਨ ਦੀ ਕਮੀ ਕਰਕੇ ਗਈਆਂ ਜਾਨਾਂ 'ਤੇ ਡੂੰਘਾ ਦੁੱਖ ਜ਼ਾਹਰ ਕਰਦਿਆਂ, ਅਮਰਿੰਦਰ ਸਿੰਘ ਨੇ ਆਖਿਆ ਕਿ ਵਧਦੇ ਮਾਮਲਿਆਂ ਅਤੇ ਆਕਸੀਜਨ ਦੀ ਸੀਮਤ ਉਪਲਭਧਤਾ ਹੋਣ ਕਰਕੇ, ਉਹ ਬੈਡਾਂ ਦਾ ਪੱਧਰ 2 ਅਤੇ ਪੱਧਰ 3 ਵਧਾ ਨਹੀਂ ਸਕੇ।
ਭਾਰਤ ਸਰਕਾਰ ਵੱਲੋਂ ਪੰਜਾਬ ਦੇ ਭੂਗੋਲਿਕ ਪੱਖੋਂ ਪਾਕਿਸਤਾਨ ਦੇ ਨੇੜੇ ਹੋਣ ਦੇ ਬਾਵਜੂਦ ਵਾਹਗਾ-ਅਟਾਰੀ ਬਾਰਡਰ ਜ਼ਰੀਏ ਪੰਜਾਬ ਦੇ ਸਥਾਨਕ ਉਦਯੋਗ ਨੂੰ ਐੱਲ ਐੱਮ ਓ ਦੀ ਵਪਾਰਕ ਆਮਦ ਨੂੰ ਇਜਾਜ਼ਤ ਨਾ ਦੇ ਸਕਣ ਦੇ ਯੋਗ ਹੋਣ ਵੱਲ ਇਸ਼ਾਰਾ ਕਰਦਿਆਂ ਉਨ੍ਹਾਂ ਆਖਿਆ, ਸੂਬਾ ਆਕਸੀਜਨ ਬੈਡਾਂ ਦੀ ਕਮੀ ਨਾਲ ਜੂਝ ਰਿਹਾ ਹੈ।
ਅਮਰਿੰਦਰ ਸਿੰਘ ਨੇ ਆਖਿਆ,"ਪਰ ਅੱਗੇ, ਸਾਨੂੰ ਲੋੜੀਂਦੀ ਮਾਤਰਾ 'ਚ ਦੂਜੇ ਸਰੋਤਾਂ ਤੋਂ ਸਪਲਾਈ ਦਾ ਭਰੋਸਾ ਦੇਣ ਦੇ ਬਾਵਜੂਦ, ਮੈਨੂੰ ਇਹ ਦੱਸਦਿਆਂ ਅਫ਼ਸੋਸ ਹੈ ਕਿ ਇਹ ਨਹੀਂ ਹੋ ਸਕਿਆ।"
"ਇਸ ਵੇਲੇ, ਸੂਬੇ ਤੋਂ ਬਾਹਰ ਕੁਲ 195 ਐੱਮਟੀ ਐੱਲਐੱਮਓ ਦੀ ਵੰਡ ਕੀਤੀ ਗਈ ਹੈ, ਜਿਸ ਵਿੱਚੋਂ 90 ਐੱਮਟੀ ਪੂਰਬੀ ਭਾਰਤ ਦੇ ਬੋਕਾਰੋ ਤੋਂ ਮਿਲਣਾ ਹੈ। ਬਾਕੀ 105 ਐੱਮਟੀ ਹਰਿਆਣਾ,ਹਿਮਾਚਲ ਪ੍ਰਦੇਸ਼ ਅਤੇ ਉੱਤਰਾਖੰਡ ਦੀਆਂ ਐੱਲਐੱਮਓ ਸੁਵਿਧਾਵਾਂ ਤੋਂ ਆਉਂਦੀ ਹੈ। ਹਾਲਾਂਕਿ, ਪੰਜਾਬ ਨੂੰ ਇਸਦਾ ਰੋਜ਼ਾਨਾ ਦਾ ਕੋਟਾ ਨਹੀਂ ਮਿਲ ਰਿਹਾ," ਮੁੱਖ ਮੰਤਰੀ ਨੇ ਆਖਿਆ।
ਇਸ ਵੇਲੇ ਪੰਜਾਬ ਲਈ ਇਨ੍ਹਾਂ ਐੱਲਐੱਮਓ ਤੋਂ ਮੌਜੂਦਾ ਲੋੜ ਦੀ ਪੂਰਤੀ ਲਈ 5.6 ਐੱਮਟੀ ਪਾਨੀਪਤ, ਹਰਿਆਣਾ ਤੋਂ, 100 ਐੱਮਟੀ ਦੇਹਰਾਦੂਨ ਦੇ ਸੇਲਾ ਕੂਈ ਤੋਂ ਅਤੇ 10 ਐੱਮਟੀ ਰੁੜਕੀ ਤੋਂ ਲੈਕੇ ਕੀਤੀ ਜਾ ਰਹੀ ਹੈ, ਉਹਨਾਂ ਅੱਗੇ ਦੱਸਿਆ।
ਕੇਂਦਰ ਸਰਕਾਰ ਦੇ ਪ੍ਰਬੰਧਾਂ ਵੱਲ ਇਸ਼ਾਰਾ ਕਰਦਿਆਂ ਮੁੱਖ ਮੰਤਰੀ ਨੇ ਆਖਿਆ ਕਿ ਅੱਜ ਤੋਂ ਪਾਨੀਪਤ ਅਤੇ ਬਰੋਟੀਵਾਲਾ ਤੋਂ ਐੱਲਐੱਮਓ ਦੀ ਸਪਲਾਈ ਵਿੱਚ ਵਿਘਨ ਪਾ ਕੇ ਪੰਜਾਬ ਨੂੰ ਹੁਣ ਕੇਂਦਰ ਸਮਝਾ ਚੁੱਕਾ ਹੈ ਕਿ , ਸੂਬੇ ਵਿੱਚ ਪਹਿਲਾਂ ਤੋਂ ਹੀ ਸੀਮਤ ਆਕਸੀਜਨ ਹੋਣ 'ਤੇ ਹੁਣ ਹੋਰ ਵੱਧ ਮੁਸ਼ਕਲ ਆਵੇਗੀ, ਜਿਸ ਨਾਲ ਵੱਧੀ ਗਿਣਤੀ ਵਿੱਚ ਲਗਾਤਾਰ ਆਕਸੀਜਨ ਸਪੋਟ 'ਤੇ ਰਹਿਣ ਵਾਲੇ ਗੰਭੀਰ ਮਰੀਜ਼ਾਂ ਦੀ ਜਾਨ ਨੂੰ ਹੋਰ ਖ਼ਤਰਾ ਹੋਣ ਦੀ ਸੰਭਾਵਨਾ ਨਾਲ ਮੈਡੀਕਲ ਐਮਰਜੈਂਸੀ ਦੇ ਹਾਲਾਤ ਪੈਦਾ ਹੋਣਗੇ।
ਇਹ ਵਿਘਨ ਰੋਕਿਆ ਜਾਣਾ ਚਾਹੀਦਾ ਹੈ, ਉਨ੍ਹਾਂ ਅੱਗੇ ਕਿਹਾ ਕਿ ਲੋੜ ਪੈਣ 'ਤੇ, ਤਾਂ ਸੂਬੇ ਨੂੰ ਛੇਤੀ ਹੀ ਨੇੜਲੇ ਵਾਧੂ ਸਰੋਤਾਂ ਤੋਂ ਮਦਦ ਦਿੱਤੀ ਜਾਣੀ ਚਾਹੀਦੀ ਹੈ।
ਟੈਂਕਰਾਂ ਦੀ ਕਮੀ ਵੱਲ ਇਸ਼ਾਰਾ ਕਰਦਿਆਂ, ਮੁੱਖ ਮੰਤਰੀ ਨੇ ਆਖਿਆ ਕਿ ਸੂਬੇ ਵੱਲੋਂ ਰੋਜ਼ਾਨਾ 2 ਖਾਲੀ ਟੈਂਕਰ ਹਵਾਈ ਮਾਰਗ ਰਾਹੀਂ ਰਾਂਚੀ ਲਿਜਾਏ ਜਾ ਰਹੇ ਸਨ, ਜੋ ਕਿ ਬੋਕਾਰੋ ਤੋਂ ਭਰ ਕੇ 48 -50 ਘੰਟਿਆਂ ਦਾ ਸੜਕੀ ਸਫ਼ਰ ਤੈਅ ਕਰਕੇ ਵਾਪਸ ਆਉਂਦੇ ਸਨ।
ਮੁੱਖ ਮੰਤਰੀ ਨੇ ਆਖਿਆ ਕਿ ਸੂਬਾ ਸਰਕਾਰ ਵੱਲੋਂ ਭਾਰਤ ਸਰਕਾਰ ਨੂੰ ਪਹਿਲਾਂ ਹੀ ਬੇਨਤੀ ਕੀਤੀ ਜਾ ਚੁੱਕੀ ਹੈ ਕਿ ਬੋਕਾਰੋ ਤੋਂ ਰੋਜ਼ਾਨਾ ਲਗਾਤਾਰ 90 ਐੱਮਟੀ ਐੱਲਐੱਮਓ ਦੀ (ਰੇਲ ਰਾਹੀਂ) ਨਿਕਾਸੀ ਕੀਤੇ ਜਾਣ ਲਈ 20 ਵਾਧੂ ਟੈਂਕਰਾਂ ਦੀ ਇਜਾਜ਼ਤ ਦਿੱਤੀ ਜਾਵੇ ਪਰ ਸਾਨੂੰ ਆਖਿਆ ਗਿਆ ਕਿ ਸਿਰਫ਼ ਦੋ ਹੀ ਮੁਹਈਆ ਕਰਾਏ ਜਾਣਗੇ, ਅਤੇ ਉਹ ਵੀ ਹਲੇ ਤੱਕ ਨਹੀਂ ਦਿੱਤੇ ਗਏ।
ਪ੍ਰੈਸ ਰਿਲੀਜ਼ ਮੁਤਾਬਕ,ਉਨ੍ਹਾਂ ਪ੍ਰਧਾਨ ਮੰਤਰੀ ਅਤੇ ਗ੍ਰਹਿ ਮੰਤਰੀ ਨੂੰ ਇਸ ਵੱਡੀ ਆਫ਼ਤ ਵੇਲੇ ਤੁਰਤ ਮਦਦ ਦੇਣ ਦੀ ਬੇਨਤੀ ਕੀਤੀ ਹੈ।
