18.73C Vancouver 18.73C VancouverNov 15, 2023 6:58 PM - Connect News
ਕਤਰ ਦੇ ਮੀਡੀਏਟਰਸ ਨੇ ਇਜ਼ਰਾਈਲ ਅਤੇ ਹਮਾਸ ਸਾਹਮਣੇ ਇੱਕ ਨਵਾਂ ਪ੍ਰਸਤਾਵ ਪੇਸ਼ ਕੀਤਾ ਹੈ ਜਿਸ ਤਹਿਤ ਜੰਗ ਰੋਕਣ ਦੇ ਬਦਲੇ ਕੁੱਝ ਬੰਧਕਾਂ ਨੂੰ ਰਿਹਾਅ ਕੀਤਾ ਜਾ ਸਕਦਾ ਹੈ।
ਕਿਹਾ ਜਾ ਰਿਹਾ ਹੈ ਕਿ ਹਮਾਸ ਦੇ ਕਬਜ਼ੇ ਵਿੱਚ 240 ਲੋਕ ਹਨ ਜੋ ਉਸ ਨੇ 7 ਅਕਤੂਬਰ ਨੂੰ ਇਜ਼ਰਾਇਲ 'ਤੇ ਹਮਲਾ ਕਰਨ ਮਗਰੋਂ ਬੰਧਕ ਬਣਾਏ ਸਨ ਅਤੇ ਇਹ ਇਸ ਸਮੇਂ ਗਾਜ਼ਾ ਵਿੱਚ ਹਨ।
ਰਿਪੋਰਟਸ ਮੁਤਾਬਕ ਕਤਰ ਦੇ ਅਧਿਕਾਰੀਆਂ ਵੱਲੋਂ ਜਿਸ ਪ੍ਰਸਤਾਵ 'ਤੇ ਇਜ਼ਰਾਈਲ ਅਤੇ ਹਮਾਸ ਨੂੰ ਮਨਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਉਸ ਤਹਿਤ ਹਮਾਸ ਨੇ ਤਿੰਨ ਦਿਨ ਲਈ ਜੰਗ ਰੋਕਣ ਦੀ ਸ਼ਰਤ ਰੱਖੀ ਹੈ ਅਤੇ ਬਦਲੇ ਵਿੱਚ 50 ਬੰਧਕਾਂ ਨੂੰ ਰਿਹਾਅ ਕਰਨ ਲਈ ਸਹਿਮਤੀ ਪ੍ਰਗਟਾਈ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਹਮਾਸ ਇਸ ਸਮਝੌਤੇ ਲਈ ਲਗਭਗ ਰਾਜ਼ੀ ਹੈ ਪਰ ਇਜ਼ਰਾਈਲ ਨੇ ਅਜੇ ਤੱਕ ਕੋਈ ਸਹਿਮਤੀ ਨਹੀਂ ਦਿੱਤੀ ਅਤੇ ਗੱਲਬਾਤ ਦਾ ਦੌਰ ਜਾਰੀ ਹੈ।
ਗੌਰਤਲਬ ਹੈ ਕਿ ਇਜ਼ਰਾਇਲ ਵਲੋਂ ਜਵਾਬੀ ਕਾਰਵਾਈ ਵਿੱਚ ਗਾਜ਼ਾ ਵਿੱਚ ਹੁਣ ਤੱਕ 11000 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਹਮਾਸ ਦੇ 7 ਅਕਤੂਬਰ ਹਮਲੇ ਵਿੱਚ ਇਜ਼ਰਾਇਲ ਵਿੱਚ 1,200 ਲੋਕ ਮਰੇ ਸਨ।
