12.16C Vancouver 12.16C VancouverDec 30, 2020 6:28 PM -
ਸੈਂਟਰਲ ਕ੍ਰੋਏਸ਼ੀਆ 'ਚ ਕੱਲ ਜ਼ਬਰਦਸਤ ਭੂਚਾਲ ਨੇ ਦਸਤਕ ਦਿੱਤੀ ਸੀ।
6.3 ਮੈਗਨੀਟਿਊਡ ਦੇ ਭੂਚਾਲ ਦੇ ਦਸਤਕ ਦੇਣ ਤੋਂ ਬਾਅਦ, ਕਈ ਸ਼ਹਿਰਾਂ ਅਤੇ ਪਿੰਡਾਂ 'ਚ ਭਾਰੀ ਮਾਲੀ ਨੁਕਸਾਨ ਹੋਇਆ ਦੱਸਿਆ ਗਿਆ ਹੈ।
ਇਸ ਭੂਚਾਲ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 7 ਤੱਕ ਪਹੁੰਚ ਗਈ ਹੈ, ਜਦਕਿ ਦਰਜਨਾਂ ਲੋਕ ਜ਼ਖਮੀ ਹੋਏ ਦੱਸੇ ਗਏ ਹਨ।
ਅੱਜ ਵੀ ਕ੍ਰੋਏਸ਼ੀਆ ਦੇ ਵੱਖੋ-ਵੱਖਰੇ ਇਲਾਕਿਆਂ 'ਚ ਭੂਚਾਲ ਤੋਂ ਬਾਅਦ ਦੇ ਹਲਕੇ ਝਟਕੇ ਦਸਤਕ ਦਿੰਦੇ ਰਹੇ।
ਕ੍ਰੋਏਸ਼ੀਆ ਦੀ ਰਾਜਧਾਨੀ ਜ਼ਾਗਰੇਬ ਤੋਂ ਕਰੀਬ 40km ਦੀ ਦੂਰੀ 'ਤੇ ਸਥਿਤ ਸ਼ਹਿਰ ਪੈਟਰਿਨੀਆ 'ਚ ਅੱਜ 4.7 ਮੈਗਨੀਟਿਊਡ ਦੇ ਆਫਟਰਸ਼ੌਕ ਦਰਜ ਹੋਏ।
ਪ੍ਰਭਾਵਿਤ ਲੋਕਾਂ ਨੇ ਬੀਤੀ ਰਾਤ ਟੈਂਟਾਂ, ਕਾਰਾਂ ਜਾਂ ਮਿਲਟਰੀ ਬੈਰਕਸ ਦੇ ਵਿੱਚ ਗੁਜ਼ਾਰੀ।
ਹੁਣ ਅਧਿਕਾਰੀਆਂ ਨੇ ਲੋਕਾਂ ਨੂੰ ਸਾਵਧਾਨ ਕੀਤਾ ਹੈ ਅਤੇ ਸ਼ੈਲਟਰਸ ਵਿੱਚ ਭੀੜ ਦੇ ਕਾਰਨ ਕੋਰੋਨਾ ਵਾਇਰਸ ਦੇ ਫੈਲਣ ਦੇ ਖਤਰੇ ਤੋਂ ਆਗਾਹ ਕੀਤਾ ਹੈ।
