17.87C Vancouver 17.87C VancouverJul 10, 2020 10:22 PM -
ਕਿਊਬੈਕ ਦਾ ਕਲਾ ਖੇਤਰ 'ਚ ਕੁਝ ਜਿਨਸੀ ਸ਼ੋਸ਼ਣ ਬਾਰੇ ਲਗਾਤਾਰ ਲਗਾਏ ਜਾ ਰਹੇ ਇਲਜ਼ਾਮਾਂ ਕਾਰਨ ਸੁਰਖੀਆਂ 'ਚ ਆ ਗਿਆ ਹੈ।
ਜਿਹੜੇ ਲੋਕਾਂ 'ਤੇ ਇਲਜ਼ਾਮ ਲੱਗ ਰਹੇ ਹਨ, ਉਨ੍ਹਾਂ ਵਿੱਚ ਸੰਗੀਤਕਾਰ, ਕੌਂਸਰਟ ਪ੍ਰਮੋਟਰ ਅਤੇ ਕਮੇਡੀਅਨ ਸ਼ਾਮਿਲ ਹਨ।
ਅਜਿਹੇ ਹੀ ਇਲਜ਼ਾਮਾਂ ਤੋਂ ਬਾਅਦ ਅੱਜ 'ਸਿੰਪਲ ਪਲੈਨ' ਬੈਂਡ ਦੇ ਡੇਵਿਡ ਡੈਸਰੌਜ਼ੀਅਰਜ਼ ਨੇ ਗਰੁੱਪ ਤੋਂ ਅਸਤੀਫਾ ਦੇ ਦਿੱਤਾ।
ਉਨ੍ਹਾਂ 'ਤੇ ਆਪਣੀਆਂ ਫੀਮੇਲ ਫੈਨਜ਼ ਬਾਰੇ ਸ਼ਿਕਾਰੀ ਵਿਵਹਾਰ ਰੱਖਣ ਦਾ ਇਲਜ਼ਾਮ ਲੱਗਿਆ ਹੈ।
ਇਸੇ ਸੂਚੀ 'ਚ ਟੀ.ਵੀ. ਸ਼ਖਸੀਅਤ ਮੈਰੀਪਿਅਰ ਮੌਰੀਨ ਨੇ ਵੀ ਮੁਆਫੀ ਮੰਗੀ ਹੈ।
ਉਨ੍ਹਾਂ 'ਤੇ ਗਾਇਕਾ ਸਾਫੀਆ ਨੌਲਿਨ ਨੇ ਇਲਜ਼ਾਮ ਲਗਾਏ ਹਨ ਕਿ ਮੌਰੀਨ ਨੇ ਕੁਝ ਨਸਲੀ ਟਿੱਪਣੀਆਂ ਕੀਤੀਆਂ ਸਨ ਅਤੇ ਇੱਕ ਵਾਰ ਉਨ੍ਹਾਂ ਦੇ ਕਿਸੇ ਨਿਜੀ ਅੰਗ 'ਤੇ ਦੰਦੀ ਵੱਡੀ ਸੀ।
ਹਾਲਾਂਕਿ ਇੱਕ ਇੰਸਟਾਗ੍ਰਾਮ ਪੇਜ 'ਤੇ ਇਹ ਇਲਜ਼ਾਮ ਲਗਾਏ ਜਾ ਰਹੇ ਹਨ, ਜੋ ਕਿ ਜ਼ਿਆਦਾ ਮੌਕਿਆਂ 'ਤੇ ਗੁਪਤ ਲੋਕਾਂ ਵੱਲੋਂ ਲਗਾਏ ਜਾ ਰਹੇ ਹਨ।
ਇਸ ਇੰਸਟਾਗ੍ਰਾਮ ਪੇਜ 'ਤੇ ਕਰੀਬ 46,000 ਫੌਲੋਅਰ ਹੋ ਚੁੱਕੇ ਹਨ।
