ਕਿਊਬੈਕ ਸਰਕਾਰ ਨੇ ਸਰਕਾਰੀ ਦਸਤਾਵੇਜ਼ਾਂ ਵਿੱਚ ਜੈਂਡਰ ਨਿਊਟਰਲ ਦੇ ਸ਼ਬਦਾਂ 'ਤੇ ਲਗਾਈ ਪਾਬੰਦੀ

ਕਿਊਬੈਕ ਸਰਕਾਰ ਨੇ ਸਰਕਾਰੀ ਦਸਤਾਵੇਜ਼ ਵਿੱਚ ਜੈਂਡਰ ਨਿਊਟਰਲ ਭਾਵ (ਲਿੰਗ-ਨਿਰਪੱਖ ਸ਼ਬਦਾਂ) 'ਤੇ ਪਾਬੰਦੀ ਲਗਾ ਦਿੱਤੀ ਹੈ । ਫਰਾਂਸੀਸੀ-ਭਾਸ਼ਾ ਮੰਤਰੀ ਜੀਨ-ਫ੍ਰਾਂਸੋਆ ਰੋਬਰਜ ਦਾ ਕਹਿਣਾ ਹੈ ਕਿ ਅਜਿਹੇ ਸ਼ਬਦ ਕਿਊਬੈਕ ਦੀ ਸਰਕਾਰੀ ਭਾਸ਼ਾ ਨੂੰ ਵਿਗਾੜ ਰਹੇ ਹਨ।

ਸਰਕਾਰ ਵੱਲੋਂ ਅੱਪਡੇਟ ਕੀਤੀ ਗਈ ਭਾਸ਼ਾ ਨੀਤੀ ਜੈਂਡਰ ਨਿਊਟਰਲ ਸ਼ਬਦਾਂ ਵਰਗੇ ਨਵੇਂ ਲੱਭੇ ਗਏ ਸ਼ਬਦਾਂ ‘ਤੇ ਲਾਗੂ ਹੁੰਦੀ ਹੈ। ਇਹ ਸ਼ਬਦ ਜ਼ਿਆਦਾਤਰ ਟ੍ਰਾਂਸਜੈਂਡਰ ਅਤੇ ਗੈਰ-ਬਾਈਨਰੀ ਲੋਕਾਂ ਵੱਲੋਂ ਵਰਤੇ ਜਾਂਦੇ ਹਨ। ਰੋਬਰਜ ਦਾ ਕਹਿਣਾ ਹੈ ਕਿ ਭਾਸ਼ਾ ਸਭ ਲਈ ਸਮਝਣ ਵਿੱਚ ਆਸਾਨ ਹੋਣੀ ਚਾਹੀਦੀ ਹੈ।

ਸਰਕਾਰ ਦਾ ਕਹਿਣਾ ਹੈ ਕਿ ਜਨਤਕ ਸੰਸਥਾਵਾਂ ਦਾ ਫਰਜ਼ ਹੈ ਕਿ ਉਹ ਮਿਸਾਲੀ ਫ੍ਰੈਂਚ ਦੀ ਵਰਤੋਂ ਕਰਨ। ਸੂਬੇ ਦਾ ਕਹਿਣਾ ਹੈ ਕਿ ਅਜੇ ਵੀ ਕੁਝ ਗੈਰ-ਬਾਈਨਰੀ ਲੋਕ ਕੁਝ ਸਰਕਾਰੀ ਦਸਤਾਵੇਜ਼ਾਂ ’ਤੇ ਲਿੰਗ ਮਾਰਕਰ ਐਕਸ ਦੀ ਵਰਤੋਂ ਕਰ ਸਕਣਗੇ।