ਕੂਏਬੇਕ ਵਿੱਚ ਵੈਕਸੀਨ ਪਾਸਪੋਰਟ ਸਿਸਟਮ ਅੱਜ ਤੋਂ ਲਾਗੂ

ਕੂਏਬੇਕ ਵਿੱਚ ਵੈਕਸੀਨ ਪਾਸਪੋਰਟ ਸਿਸਟਮ ਅੱਜ ਤੋਂ ਲਾਗੂ ਹੋ ਗਿਆ ਹੈ।

ਅੱਜ ਤੋਂ ਉੱਥੇ ਰਹਿੰਦੇ ਲੋਕਾਂ ਲਈ ਜਿਮ, ਰੈਸਟੋਰੈਂਟ, ਅਤੇ ਫੈਸਟੀਵਲਸ ਤੇ ਜਾਣ ਲਈ ਆਪਣੇ ਵੈਕਸੀਨ ਲੱਗੀ ਹੋਣ ਦਾ ਸਬੂਤ ਦਿਖਾਉਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।

ਸਰਕਾਰ ਦਾ ਕਹਿਣਾ ਸੀ ਕਿ ਇਹ ਸਿਸਟਮ ਇਕੋਨਮੀ ਨੂੰ ਚੱਲਦਾ ਰੱਖਣ ਲਈ ਅਤੇ ਕੋਵਿਡ 19 ਦੇ ਸਪ੍ਰੈਡ ਨੂੰ ਰੋਕਣ ਲਈ ਲਾਗੂ ਕਰਨਾ ਲਾਜ਼ਮੀ ਸੀ।

ਉੱਥੇ ਦੇ ਹੈਲਥ ਡਿਪਾਰਟਮੇਂਟ ਵੱਲੋਂ ਉੱਥੇ ਰਹਿੰਦੇ ਕਈ ਮਿਲੀਅਨ ਲੋਕਾਂ ਨੂੰ ਕਉ ਆਰ ਕੋਡ ਦਿੱਤੇ ਗਏ ਹਨ।

ਇਹਨਾਂ ਨੂੰ ਰੈਸਟੋਰੈਂਟ, ਜਿਮ ਜਾਂ ਅਜਿਹੀ ਕਿਸੇ ਵੀ ਥਾਂ ਤੇ ਜਾਣ ਲਈ ਇਹ ਕਉ ਆਰ ਕੋਡ ਦਿਖਾਉਣਾ ਪਵੇਗਾ।

ਇਹ ਨਵਾਂ ਕਦਮ ਉਸ ਵੇਲੇ ਚੱਕਿਆ ਗਿਆ ਹੈ ਜਦ ਅੱਜ ਸੂਬੇ ਵਿੱਚ ਕੋਵਿਡ 19 ਦੇ 690 ਨਵੇਂ ਕੇਸ ਅਤੇ 2 ਨਵੀਆਂ ਮੌਤਾਂ ਦਰਜ ਕੀਤੀਆਂ ਗਈਆਂ।

ਇਸ ਸਮੇਂ 138 ਮਰੀਜ਼ ਹਸਪਤਾਲ ਵਿੱਚ ਹਨ ਅਤੇ ਇੰਟੈਨਸਿਵ ਦੇਖਭਾਲ ਯੂਨਿਟ ਵਿੱਚ 40 ਮਰੀਜ਼ ਦਾਖਿਲ ਹਨ।

ਉੱਥੇ ਦੇ ਸਿਹਤ ਮੰਤਰੀ ਨੇ ਕਿਹਾ ਕਿ ਅਗਲੇ 2 ਹਫ਼ਤੇ ਗ੍ਰੇਸ ਪੀਰਿਯਡ ਹੋਵੇਗਾ ਉਸ ਤੋਂ ਬਾਅਦ 15 ਸਿਤੰਬਰ ਤੋਂ ਜੇ ਕਿਸੇ ਕੋਲ ਇਹ ਸਬੂਤ ਨਾਂ ਹੋਇਆ ਤਾਂ ਉਹਨਾਂ ਤੇ ਜੁਰਮਾਨੇ ਲਗਾਏ ਜਾਣਗੇ।

ਉੱਥੇ 12 ਸਾਲ ਤੋਂ ਵੱਧ ਉਮਰ ਦੇ 87% ਲੋਕਾਂ ਦੇ ਵੈਕਸੀਨ ਦਾ ਇੱਕ ਟੀਕਾ ਲੱਗ ਚੁੱਕਿਆ ਹੈ ਅਤੇ 80.8% ਦੇ ਦੋਵੇਂ ਟੀਕੇ ਲੱਗ ਚੁੱਕੇ ਹਨ।