16.39C Vancouver 16.39C VancouverJul 13, 2020 3:39 PM -
ਬੀਤੇ ਦਸੰਬਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਮੁਸਲਮਾਨਾਂ ਨੂੰ ਕਥਿਤ ਤੌਰ ਤੇ ਆਨਲਾਈਨ ਧਮਕੀਆਂ ਦੇਣ ਦੇ ਸਬੰਧ ਵਿੱਚ ਕਿਊਬੈਕ ਦਾ ਇਕ ਆਦਮੀ ਦੋ ਨਵੇਂ ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ।
ਆਰ.ਸੀ.ਐੱਮ.ਪੀ. ਅਨੁਸਾਰ ਬੁਸ਼ਰਵਿਲ, ਕਿਊਬੈਕ ਦਾ 62 ਸਾਲਾ ਆਂਦਰੇ ਔਡਿਟ ਨਿਆਂ ਪ੍ਰਣਾਲੀ ਨੂੰ ਡਰਾਉਣ ਅਤੇ ਨਸਲਕੁਸ਼ੀ ਨੂੰ ਉਤਸ਼ਾਹਤ ਕਰਨ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਅੱਜ ਮੌਨਟ੍ਰਿਅਲ ਦੇ ਦੱਖਣ ਵਿੱਚ ਸਥਿਤ ਅਦਾਲਤ ਸਾਮਣੇ ਪੇਸ਼ ਹੋਵੇਗਾ।
ਕੋਰਪਰਲ ਚਾਰਲਸ ਪੋਇਰੇਇਰ ਮੁਤਾਬਕ ਔਡਿਟ ਉੱਤੇ ਪ੍ਰਧਾਨ ਮੰਤਰੀ ਨੂੰ ਡਰਾਉਣ ਦੇ ਦੋਸ਼ ਹਨ।
ਆਰ.ਸੀ.ਐੱਮ.ਪੀ. ਮੁਤਾਬਕ ਪਿਛਲੇ ਸਾਲ ਸ਼ੁਰੂ ਕੀਤੀ ਗਈ ਜਾਂਚ ਵਿੱਚ ਕਥਿਤ ਤੌਰ ਤੇ ਟਰੂਡੋ ਅਤੇ ਮੁਸਲਮਾਨਾਂ ਨੂੰ ਨਿਸ਼ਾਨਾ ਬਣਾ ਲਿਖੀਆਂ ਗਈਆਂ ਨਫ਼ਰਤ, ਧਮਕੀਆਂ ਜਾਂ ਹਿੰਸਾ ਨੂੰ ਭੜਕਾਉਣ ਵਾਲੀਆਂ 100 ਦੇ ਕਰੀਬ ਔਨਲਾਈਨ ਪੋਸਟਾਂ ਸਾਹਮਣੇ ਆਈਆਂ ਹਨ।
ਔਡਿਟ ਨੂੰ ਪਹਿਲਾਂ ਦਸੰਬਰ ਵਿੱਚ ਨਫ਼ਰਤ ਨੂੰ ਭੜਕਾਉਣ ਅਤੇ ਨਫ਼ਰਤ ਦੀ ਇੱਛਾ ਨਾਲ ਪ੍ਰਚਾਰ ਕਰਨ ਲਈ ਚਾਰਜ ਕੀਤਾ ਗਿਆ ਸੀ।
ਪੁਲਿਸ ਅਨੁਸਾਰ ਸਬੂਤਾਂ ਦੇ ਪੂਰੇ ਵਿਸ਼ਲੇਸ਼ਣ ਤੋਂ ਬਾਅਦ ਹੁਣ ਦੋ ਨਵੇਂ ਚਾਰਜ ਲਾਏ ਗਏ ਹਨ।
