9.03C Vancouver 9.03C VancouverFeb 3, 2022 10:46 PM - The Canadian Press
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਬਰਨਬੀ 'ਚ ਵਾਪਰੇ ਕਰੈਸ਼ 'ਚ ਸ਼ਾਮਿਲ ਕਿਊਬੈਕ ਵਾਸੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਘਟਨਾ ਕਰੀਬ 2 ਸਾਲ ਪਹਿਲਾਂ ਵਾਪਰੀ ਸੀ।
ਘਟਨਾ 'ਚ ਉਸ ਦੇ ਨਾਲ ਬੈਠੀ ਸਵਾਰੀ ਬੁਰੀ ਤਰ੍ਹਾਂ ਜਖਮੀ ਹੋ ਗਈ ਸੀ।
ਪੁਲਿਸ ਨੇ ਦੱਸਿਆ ਕਿ ਵਿਅਕਤੀ ਨੂੰ ਬੀ.ਸੀ. ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ ਤਾਂ ਜੋ ਉਹ ਦੋਸ਼ਾਂ ਦਾ ਸਾਹਮਣਾ ਕਰ ਸਕੇ।
ਮਾਮਲਾ ਜੂਨ 2020 'ਚ ਵਾਪਰੇ ਕਰੈਸ਼ ਨਾਲ ਸੰਬੰਧਤ ਹੈ ਜਦ ਇੱਕ ਡੌਜ ਡਰਾਂਗੋ ਗੱਡੀ ਪਲਟ ਗਈ ਸੀ।
ਪੁਲਿਸ ਨੇ ਦੱਸਿਆ ਸੀ ਕਿ ਵਾਹਨ ਚਾਲਕ ਮੌਕੇ ਤੋਂ ਨਿਕਲ ਗਿਆ ਸੀ ਅਤੇ ਗੱਡੀ 'ਚ ਸਵਾਰ ਇੱਕ ਔਰਤ ਗੰਭੀਰ ਜਖਮੀ ਹੋ ਗਈ ਸੀ।
ਬੀਤੇ ਸਾਲ ਮਈ 'ਚ ਵਾਹਨ ਚਾਲਕ ਖਿਲਾਫ ਇੰਪੇਅਰਡ ਡਰਾਈਵਿੰਗ ਅਤੇ ਅਪਰਾਧਿਕ ਅਣਗਹਿਲੀ ਦੇ ਦੋਸ਼ ਤੈਅ ਕੀਤੇ ਗਏ ਸਨ।
ਪਰ 33 ਸਾਲਾ ਚਾਲਕ ਇਸ ਤੋਂ ਪਹਿਲਾਂ ਹੀ ਸੂਬਾ ਛੱਡ ਕੇ ਚਲਾ ਗਿਆ ਸੀ।
ਹਾਲਾਂਕਿ ਇਸ ਨੂੰ ਜਨਵਰੀ 'ਚ ਕਿਊਬੈਕ ਦੇ ਲਵਾਲ 'ਚ ਕਾਬੂ ਕਰ ਲਿਆ ਗਿਆ ਸੀ ਅਤੇ ਬੀਤੇ ਮਹੀਨੇ ਬੀ.ਸੀ. ਪਹੁੰਚਾਇਆ ਗਿਆ ਸੀ।
ਅੱਜ ਉਸ ਦੀ ਕੋਰਟ 'ਚ ਪੇਸ਼ੀ ਹੈ।
