13.52C Vancouver 13.52C VancouverJun 18, 2025 7:57 PM - The Canadian Press
ਮੌਂਟਰੀਅਲ 'ਚ ਲਾਪਤਾ ਹੋਈ 3 ਸਾਲਾ ਬੱਚੀ ਦੀ ਭਾਲ ਹੋ ਗਈ ਹੈ। ਜਾਣਕਾਰੀ ਦਿੱਤੀ ਗਈ ਕਿ ਬੱਚੀ ਜਿਉਂਦੀ ਹੈ ਅਤੇ ਗੱਲਬਾਤ ਕਰ ਰਹੀ ਹੈ। ਬੱਚੀ ਐਤਵਾਰ ਤੋਂ ਲਾਪਤਾ ਸੀ। ਬੱਚੀ ਦੀ ਭਾਲ ਸੰਬੰਧੀ ਕਿਊਬੈਕ ਪ੍ਰੋਵਿੰਸ਼ੀਅਲ ਪੁਲਿਸ ਵੱਲੋਂ ਇੱਕ ਪ੍ਰੈਸ ਕਾਨਫਰੰਸ ਕਰ ਜਾਣਕਾਰੀ ਦਿੱਤੀ ਗਈ ਹੈ।
ਸਾਰਜੈਂਟ ਐਲੋਇਸ ਕੋਸੇਟ ਦਾ ਕਹਿਣਾ ਸੀ ਕਿ ਬੱਚੀ ਕਿਹੜੇ ਹਾਲਾਤਾਂ 'ਚ ਮਿਲੀ ਅਤੇ ਬੀਤੇ ਡੇਢ ਦਿਨ ਦੌਰਾਨ ਕੀ ਕੁਝ ਹੋਇਆ, ਇਸ ਸੰਬੰਧੀ ਫਿਲਹਾਲ ਜਾਣਕਾਰੀ ਦੇਣਾ ਮੁਮਕਿਨ ਨਹੀਂ ਹੈ।
ਉਨ੍ਹਾਂ ਦੱਸਿਆ ਕਿ ਮਾਮਲੇ 'ਚ ਹੋਰ ਜਾਣਕਾਰੀ ਸੰਬੰਧੀ ਬਾਅਦ 'ਚ ਇੱਕ ਹੋਰ ਪ੍ਰੈਸ ਕਾਨਫਰੰਸ ਕੀਤੀ ਜਾਵੇਗੀ। ਉਨ੍ਹਾਂ ਬੱਚੀ ਦੀ ਭਾਲ 'ਚ ਮਦਦ ਲਈ ਕਮਿਊਨਿਟੀ ਦੇ ਸਹਿਯੋਗ ਲਈ ਵੀ ਧੰਨਵਾਦ ਕੀਤਾ।
