15.52C Vancouver 15.52C VancouverApr 5, 2020 8:32 PM -
ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਦਾ ਕਹਿਣਾ ਹੈ ਕਿ ਓਹ ਸੂਬੇ 'ਚ ਗੈਰ ਜਰੂਰੀ ਵਪਾਰਾਂ ਨੂੰ ਬੰਦ ਰੱਖਣ ਦੀ ਤਰੀਕ ਨੂੰ 4 ਮਈ ਤਕ ਵਧਾ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਕੋਵਿਡ-19 ਅਜੇ ਵੀ ਸੂਬੇ 'ਚ ਉੱਤੇ ਵੱਲ ਨੂੰ ਜਾਂਦਾ ਅੰਕੜਾ ਦਰਸ਼ਾ ਰਿਹਾ ਹੈ ਅਤੇ ਪਹਿਲਾਂ ਜਾਰੀ ਕੀਤੀ ਗਈ 13 ਅਪ੍ਰੈਲ ਦੀ ਤਰੀਕ 'ਤੇ ਵਪਾਰਾਂ ਨੂੰ ਖੋਲ ਦੇਣਾ ਮੁਮਕਿਨ ਨਹੀਂ ਹੈ।
ਪ੍ਰੀਮਿਅਰ ਨੇ ਦੱਸਿਆ ਕਿ ਸੂਬੇ 'ਚ 19 ਹੋਰ ਵਾਇਰਸ ਪੀੜਤਾਂ ਦੀ ਜਾਨ ਚਲੀ ਗਈ ਹੈ।
ਇਸਦੇ ਨਾਲ ਹੁਣ ਸੂਬੇ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 94 ਹੋ ਗਈ ਹੈ।
ਸ਼ਨੀਵਾਰ ਤੇ ਐਤਵਾਰ ਵਿਚਾਲੇ ਸੂਬੇ 'ਚ 947 ਹੋਰ ਮਾਮਲੇ ਉਜਾਗਰ ਹੋਏ ਹਨ, ਜਿਸਦੇ ਨਾਲ ਸੂਬੇ 'ਚ ਵਾਇਰਸ ਪੀੜਤਾਂ ਦੀ ਗਿਣਤੀ 7,944 ਹੋ ਗਈ ਹੈ।
