17.12C Vancouver 17.12C VancouverMay 11, 2020 1:50 PM -
ਮਾਰਚ ਤੋਂ ਬੰਦ ਪਏ ਕਿਊਬੈਕ ਦੇ ਐਲੀਮੈਂਟਰੀ ਸਕੂਲ ਅਤੇ ਡੇਅ ਕੇਅਰ ਅੱਜ ਤੋਂ ਦੁਬਾਰਾ ਖੋਲ੍ਹ ਦਿੱਤੇ ਗਏ ਹਨ।
ਕੋਵਿਡ-19 ਦੇ ਚੱਲਦਿਆਂ ਕਿਊਬੈਕ ਵਾਪਸ ਸਕੂਲ ਖੋਲ੍ਹਣ ਵਾਲਾ ਪਹਿਲਾ ਸੂਬਾ ਹੈ ਅਤੇ ਸਕੂਲ ਅਧਿਕਾਰੀਆਂ ਮੁਤਾਬਕ ਹਾਲਾਤ ਆਮ ਵਾਂਗ ਹੋਣ ਨੂੰ ਕੁਝ ਸਮਾਂ ਲੱਗੇਗਾ।
ਸਟਾਫ਼ ਮੈਂਬਰਾਂ ਨੇ ਮਾਸਕ ਅਤੇ ਕੁਝ ਨੇ ਫੇਸ ਸ਼ੀਲਡ ਪਹਿਨੇ ਹੋਏ ਹਨ ਅਤੇ ਵਿਦਿਆਰਥੀਆਂ ਨੂੰ ਸਰੀਰਕ ਦੂਰੀ ਦੇ ਨਿਰਦੇਸ਼ ਅਤੇ ਲਗਾਤਾਰ ਹੱਥ ਧੋਣ ਦੀਆਂ ਹਦਾਇਤਾਂ ਦਿੱਤੀਆਂ ਜਾ ਰਹੀਆਂ ਹਨ।
ਲਾਇਬ੍ਰੇਰੀਆਂ, ਜਿਮ ਅਤੇ ਕੈਫੇਟੇਰੀਆ ਫਿਲਹਾਲ ਬੰਦ ਰਹਿਣਗੇ ਅਤੇ ਵਿਦਿਆਰਥੀ ਆਪਣਾ ਜ਼ਿਆਦਾਤਰ ਸਮਾਂ ਕਲਾਸ ਵਿੱਚ ਡੈਸਕਾਂ ਤੇ ਬਿਤਾਉਣਗੇ।
ਸਕੂਲ ਆਉਣਾ ਲਾਜ਼ਮੀ ਨਹੀਂ ਹੈ ਅਤੇ ਕਈ ਸਕੂਲ ਬੋਰਡਾਂ ਨੇ ਇਸ ਗੱਲ ਵੱਲ ਇਸ਼ਾਰਾ ਕੀਤਾ ਹੈ ਕਿ ਜ਼ਿਆਦਾਤਰ ਮਾਪੇ ਆਪਣੇ ਬੱਚਿਆਂ ਨੂੰ ਫਿਲਹਾਲ ਘਰ ਰੱਖਣ ਦੇ ਹੱਕ ਵਿੱਚ ਹਨ।
ਮਾਂਟਰੀਅਲ ਇਲਾਕੇ ਦੇ ਸਕੂਲ ਘੱਟ ਤੋਂ ਘੱਟ 25 ਮਈ ਤੱਕ ਬੰਦ ਰਹਿਣਗੇ ਅਤੇ ਹਾਈ ਸਕੂਲ ਤੇ ਜੂਨੀਅਰ ਕਾਲਜ ਸਤੰਬਰ ਵਿੱਚ ਦੁਬਾਰਾ ਖੋਲ੍ਹਣ ਦੀ ਯੋਜਨਾ ਹੈ।
