ਕਿਊਬੈਕ ਸਕੂਲਾਂ ਵਿੱਚ ਵਿਦਿਆਰਥੀਆਂ ਲਈ ਅਧਿਆਪਕਾਂ ਨੂੰ “Mr.” ਜਾਂ “Ms.” ਕਹਿਣਾ ਲਾਜ਼ਮੀ

ਕਿਊਬੈਕ ਸਰਕਾਰ ਨੇ ਨਵੇਂ ਸੀਵਲਿਟੀ ਰੂਲਸ ਤਹਿਤ ਐਲੀਮੈਂਟਰੀ ਅਤੇ ਹਾਈ ਸਕੂਲਾਂ ਵਿਚ ਵਿਦਿਆਰਥੀਆਂ ਲਈ ਆਪਣੇ ਅਧਿਆਪਕਾਂ ਅਤੇ ਸਟਾਫ ਨੂੰ ਸੰਬੋਧਨ ਕਰਨ ਵੇਲੇ ਰਸਮੀ ਭਾਸ਼ਾ ਦੀ ਵਰਤੋਂ ਕਰਨਾ ਜ਼ਰੂਰੀ ਕਰ ਦਿੱਤਾ ਹੈ। ਇਨ੍ਹਾਂ ਨਵੇਂ ਨਿਯਮਾਂ ਅਨੁਸਾਰ, ਸਾਰੇ ਸਰਕਾਰੀ ਅਤੇ ਪ੍ਰਾਈਵੇਟ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਆਪਣੇ ਅਧਿਆਪਕਾਂ ਅਤੇ ਸਟਾਫ਼ ਨੂੰ "Mr." ਜਾਂ "Ms." ਕਹਿ ਕੇ ਬੁਲਾਉਣਾ ਹੋਵੇਗਾ।

ਇਸ ਤੋਂ ਇਲਾਵਾ ਫਰੈਂਚ ਭਾਸ਼ਾ ਵਿਚ ਗੱਲਬਾਤ ਦੌਰਾਨ 'ਯੂ' ਦੇ ਵਧੇਰੇ ਫੋਰਮਲ ਅਤੇ ਸਤਿਕਾਰਯੋਗ ਸ਼ਬਦ ਦੀ ਵਰਤੋਂ ਕਰਨੀ ਹੋਵੇਗੀ। ਨਵੇਂ ਨਿਯਮਾਂ ਵਿਚ ਸਿਰਫ਼ ਬੋਲਚਾਲ ਹੀ ਨਹੀਂ ਬਲਕਿ ਵਿਦਿਆਰਥੀਆਂ ਵਿਚਕਾਰ ਆਪਸੀ ਸਤਿਕਾਰ, ਸਕੂਲਾਂ ਦੀ ਪ੍ਰੋਪਰਟੀ ਦਾ ਮਾਣ ਸਨਾਮਨ ਕਰਨ ਅਤੇ ਇਸ ਗੱਲ 'ਤੇ ਵੀ ਜ਼ੋਰ ਦਿੱਤਾ ਗਿਆ ਹੈ ਕਿ ਮਰਦ ਅਤੇ ਔਰਤ ਬਰਾਬਰ ਹਨ।

ਕਿਊਬੈਕ ਵਿਚ ਸਕੂਲ, ਪ੍ਰਿੰਸੀਪਲ ਅਤੇ ਪ੍ਰਸ਼ਾਸਕ ਦੀ ਐਸੋਸੀਏਸ਼ਨ ਦੇ ਪ੍ਰਧਾਨ ਆਂਡਰੇ ਬਰਨੀਅਰ ਨੇ ਇਸ ਫੈਸਲੇ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਇਸ ਨਾਲ ਸਕੂਲਾਂ ਵਿਚ ਸਤਿਕਾਰ ਦੀ ਭਾਵਨਾ ਵਧੇਗੀ, ਹਾਲਾਂਕਿ ਉਨ੍ਹਾਂ ਕਿ ਇਹ ਨਿਯਮ ਸਾਲ ਦੇ ਵਿਚਕਾਰ ਦੀ ਬਜਾਏ ਫਾਲ ਵਿਚ ਲਾਗੂ ਹੋਣੇ ਚਾਹੀਦੇ ਸਨ। ਸਕੂਲ ਪ੍ਰਸ਼ਾਸਨ ਨੂੰ ਇਹ ਵੀ ਤੈਅ ਕਰਨ ਦੇ ਹੁਕਮ ਦਿੱਤੇ ਗਏ ਹਨ ਕਿ ਜਿਹੜੇ ਬੱਚੇ ਨਵੇਂ ਕੋਡ ਔਫ਼ ਕੰਡਕਟ ਦੀ ਪਾਲਣਾ ਨਹੀਂ ਕਰਨਗੇ, ਉਨ੍ਹਾਂ ਵਿਰੁੱਧ ਕਿਸ ਤਰ੍ਹਾਂ ਦੀ ਕਾਰਵਾਈ ਕੀਤੀ ਜਾਵੇ, ਜਿਸ ਵਿਚ ਵਾਰਨਿੰਗ ਤੋਂ ਲੈ ਕੇ ਗੰਭੀਰ ਮਾਮਲਿਆਂ ਵਿਚ ਸਕੂਲ ਵਿਚੋਂ ਕੱਢੇ ਜਾਣ ਤੱਕ ਸਜ਼ਾ ਹੋ ਸਕਦੀ ਹੈ।